AFCON Qualifier: Kò séwu fún gbogbo àwọn tí yóò kópa nínú ìfẹsẹ̀wọnsẹ̀ Naijiria àti Sierra Leone ní Benin - Obaseki

Gomina ipinlẹ Edo, Godwin Obaseki ti sọ pe abo to peye yoo wa fun gbogbo awọn agbabọọlu atawọn ero iworan ti yoo wa nibi ifẹṣewọn laarin ikọ Super Eagles ati Leone Stars ti orilẹ-ede Sierra Leone lọsẹ to n bọ.

Ifẹsẹwọnsẹ naa to jẹ igabradi idije ife ẹyẹ ilẹ Afrika, AFCON, ti yoo waye lọdun 2021 ni yoo waye ni papa iṣẹre Samuel Ogbemudia ni ilu Benin.

Bakan naa ni ifẹsẹwọnjsẹ to lamilaaka akọkọ ti yoo waye ni papa iṣẹre naa lati igba ti wọn ti ṣatunṣe rẹ.

O tun jẹ ifẹsẹwọnsẹ to lamilaaka ti ikọ Super Eagles yoo gba lati igba ti ajakalẹ arun Coronavirus ti bẹrẹ.

Ifẹsẹwọnsẹ naa yoo waye lọjọ kẹtala, oṣu kọkanla, ọdun 2020, lẹyin ọjọ ti iburawọle gomina Obaseki fun saa keji gẹgẹ bii gomina.

Olubadamọran pataki fun gomina ọhun lori ọrọ to n lọ, Crusoe Osagie sọ pe ijọba ipinlẹ naa ti ṣetan lati dabo bo gbogbo eeyan ti yoo peju sibi ifẹsẹwọnsẹ ọhun.

Gẹgẹ bo ṣe sọ, o ni "idunnu wa ni lati ṣagbatẹru igbaradi idije AFCON 2021 laarin ikọ Super Eagles ati Leone Stars ni papa iṣẹre Ogbemudia."