EndSARS Protest Update: Aráàlú gbé ajílẹ̀ àti oògùn apakòkòrò dípò oúnjẹ ìrànwọ́ Covid-19 l'Ekiti
Oríṣun àwòrán, @Areatalkr
Lẹyin ikọlu to waye nibi iwọde EndSARS ni Lekki Toll Gate l'Eko, ni ọpọ awọn ara ilu kan bẹrẹ si n kọlu awọn ile ti ijọba ko awọn ounjẹ to yẹ ko pin lasiko igbele Covid-19 si.
Gẹgẹ bi ọpọlọpọ fidio to n tan kalẹ lori ayelujara, ilu Eko ni awọn eeyan naa ti kọkọ kọlu awọn ile ti wọn ko ounjẹ naa si, ti wọn si ri ọpọ ounjẹ ko.
Ko pẹ si asiko naa ti awọn eeyan ipinlẹ miran bii Oyo, Osun, Kwara ati Ekiti naa bẹrẹ si n kọlu irufẹ ibudo nnkan pamọ si bẹẹ ni ipinlẹ wọn, lati ko ounjẹ ọhun.
Àwọn iròyin tì ẹ leè ní ìfẹ̀ síí:
- Ẹ sọ́ra fún ìwà olè àti jàgídíjàgan nílẹ̀ Yorùbá-Sunday Igboho
- ₦147m la rí kójọ fún ìwọ́de, a kò fẹ́ owó mọ́, ìwọ́de ti parí - Feminist Coalition
- Sanwo-Olu kéde ìlànà ìséde tuntun l'Eko
- Ìjọba ìpínlẹ̀ Kwara sọ̀rọ̀ lórí bí àwọn kan se lọ pín "CaCovid 19 Palliative" ní Ilorin pé...
- Àìsọ̀rọ̀ Buhari lórí ìṣẹ̀lẹ̀ Lekki, ìkọjú ìjà sí Yoruba ni - YWC
- Kò sọ́rọ̀ nínú ọ̀rọ̀ Buhari, àtúntò Nàíjíríà nìkan lọ̀nà àbáyọ - Àgbà Yorùbá
Ṣugbọn ni ti ipinlẹ Ekiti, ọrọ ko ri bẹ nitori ohun ti a gbọ ni pe, oogun apakokoro ati ajilẹ ni awọn eeyan ji ko dipo ounjẹ.
Lara awọn to ke gbajare ni ọkunrin kan ti orukọ rẹ n jẹ Babajide lori Twitter to sọ pe "gbogbo ipinlẹ ni awọn eeyan ti n ji ounjẹ iranwọ Covid-19 ti ijọba fi pamọ ko, ayafi Ekiti ti awọn eeyan rẹ n ko oogun apakokoro ati ajilẹ."
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 1
Yatọ si ọgbẹni yii, awọn eeyan miran na tun n lọgun lori ayelujara pe majele ni ẹnikẹni to ba ro pe oun ko ounjẹ Covid-19 l'Ekiti ko.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 2
Ṣaaju ni ijọba ipinlẹ naa ti kọkọ ke gbajari pe awọn janduku kan n gbimọ lati kọlu awọn ile ikẹru si ni ipnlẹ naa nitori pe wọn wa ounjẹ iranwọn Covid-19.
Ninu atẹajde ti kọmiṣona fun eto iroyin, Akin Omole fi lede, o ni ijọba Ekiti kò kó ounjẹ iranwọ Covid-19 pamọ sibi kankan nitori o ti pin gbogbo rẹ lasiko igbele.
Oríṣun àwòrán, @Areatalkr
Ṣugbọn ṣe ootọ ni pe ounjẹ iranwọ Covid-19 ni awọn eeyan ko l'Ekiti tabi ko ri bẹẹ?
Ijọba Ekiti ko tii sọ ohunkohun nipa ọrọ yii.
