George Floyd: Ẹ̀rọ ayàwòrán ara ọlọ́pàá ṣàfihàn bí George Floyd ṣe ni òun kò le mí mọ́
Oríṣun àwòrán, Twitter/Ruty Richardson
Iwadii tuntun ti fihan pe, ọlọpaa ti wọn fẹsun kan pe o pa George Floyd sọ fun un pe, ko gbẹnu dakẹ ni gbogbo igba to fi n pariwo pe oun ko le mi mọ.
Fidio kan to jade sita ṣe afihan George Floyd, to n pariwo fitafita fun iya rẹ to ṣẹṣẹ doloogbe, ati awọn ọmọ rẹ pe awọn ọlọpaa naa yoo pa oun.
Iwadii naa si lo tan imọlẹ si bi Floyd ṣe ja fitafita fun ẹmi rẹ.
Àwọn iròyin tì ẹ leè ní ìfẹ̀ síí:
- Ìtàn ayé Henry Fajemirokun, olówó tó fi owó mọ Olúwa àti ènìyàn
- Iléesẹ́ rẹ́kọ́ọ̀dù tí mo ti bẹ̀bẹ̀ láti kọrin, padà di tèmi lónìí - Ebenezer Obey
- Ọ̀pá epo NNPC bú gbàmú ní Benin, òṣìṣẹ́ méje kàgbákò ikú òjijì
- Ọ̀fọ̀ ńlá ṣẹ̀ ní Ivory Coast, Olóòtú ìjọba, Amadou Gon Coulibaly jáde láye
- Tó o bá fẹ́ wọ bàálù lásìkò yìí, wo òfin tuntun tó tẹ̀lé
Ọpọlọpọ ifẹhọnu han lo waye ni Oṣu Karun, ọdun 2020 lẹyin iku George Floyd.
Awọn ọlọpaa mẹrin ti wọn fi panpẹ ọba mu, nipa iku George Floyd ni wọn ti gba iṣẹ ni ọwọ wọn, ti wọn si ti fi wọn si panpẹ ọlọpaa.
Derek Chauvin to gbe orunkun le ọrun rẹ lo n jẹjọ iwa ipaniyan pẹlu awọn to ku.
Orukọ ọlọpaa mẹta yoku ni - Thomas Lane, J Alexander Kueng ati Tou Thao - wọn fẹsun kan wọn pe, wọn ṣe iranwọ fun ẹni ti wọn fẹsun ipaniyan kan.
Ọkan lara awọn agbẹjọrọ to fi fidio iwadii tuntun naa lede, lo n pe fun ki ijọba da ẹjọ ti wọn pe mọ Thomas Lane nu, nitori ko kopa ninu iṣekupani naa.
Ọkan lara awọn agbẹjọro fawọn ọlọpaa mẹrin naa lo fi lede pe, ẹrọ ayaworan to wa lara awọn ọlọpaa fihan pe, ọkan lara awọn ọlọpaa naa lo ni ki Floyd gbẹnu dakẹ.
Ẹrọ ayaworan naa fihan pe, o le ni igba ogun ti George Floyd fi pariwo pe, oun ko le e mi mọ, lẹyin ti wọn fi orunkun fun lọrun, amọ ti ọlọpaa Chauvin jagbe mọ wi pe, ko gbe ẹnu rẹ soun, ko dakẹ ariwo to n pa.
- Ọwọ́ ọlọ́pàá ìpínlẹ̀ Oyo ti tẹ àwọn aṣekúpani tó ń ṣọṣẹ́ ní Akinyele
- Ìpínlẹ̀ Eko kéde ọ̀nà àbáyọ sí súnkẹrẹ-fàkẹrẹ ọkọ̀ lásìkò àtúnṣe afárá Third Mainland
- Wo ìgbẹ́sẹ̀ méjọ tí ilé aṣòfin ìpínlẹ̀ gbọdọ̀ tẹ̀lé láti yọ igbákejì gómìnà
- Ilé aṣofin Ondo fọwọ́ òsì júwe ilé fún aṣòfin mẹ́ta pé wọ́n tàpá sí òfin ilé
Amọ, awọn agbẹjoro Chauvin ko i tii fesi si iwadii tuntun naa, lati igba ti o ti wa ni ikawọ awọn eniyan lawujọ.
Àwọn olùfẹ̀hònúhàn kọ etí ikún s'íkìlọ̀ ọlọ́pàá ṣe ìwóde ní London
Oríṣun àwòrán, Reuters
Ẹgbẹẹgbẹrun un awọn olufẹhonuhan lo tu jade laarin gbungbun ilu London lọjọ Satide, bo tilẹ jẹ pe awọn ọlọpaa ti kilọ fun wọn lori iwọde naa.
Ọpọ ninu wọn lo n ju igo sawọn ọlọpaa nigba ti wọn kọlu ara wọn.
Ohun ti wọn sọ ni pe awọn fẹ daabo bo awọn ere tawọn eeyan kan n wo lulẹ notori wọn nii ṣe pẹlu ẹlẹyamẹya.
- Àwọn 'ẹ̀bùn' tí ikú George Floyd fún àgbáyé
- Ìwọ́de gbòde kán lórílẹ̀èdè Amẹ́ríkà nítorí ikú George Floyd
- Coronavirus in Kenya: Ojú òpó Facebook Live ni mo ti wo ìsìnkú ìbátan mi
- 'Bí Covid19 bá peléke síi l'Eko, ilé la ó ti máa tọ́jú àwọn kan' - Ìjọba ìpínlẹ̀ Eko
- Ikú tó pa Igbákèjì adarí òṣìṣẹ́ ní Osun kìí ṣe Coronavirus - Gomina Oyetola
- Nǹkan oṣù obìnrin le jáde ní imú tàbí ìdodo yàtọ̀ sí ojú ara - Dókítà
Ileeṣẹ ọlọpaa Met ti fote le iwọde ṣiṣe nitori ohun to ṣẹlẹ nigba tawọn eeyan kan n fẹhonuhan lopin ọsẹ to lọ.
Bakan naa lawọn ẹgbẹ ''Black Lives Matter'' naa ti ṣewọde kaakiri UK to fi mọ ilu London.
Oríṣun àwòrán, AFP
Awọn to ṣagbatẹru iwọde ti ọjọ Satide ti rọ awọn eeyan lati maa darapọ mawọn ti wọn fẹ ṣe ifẹhonuhan lati tako iwa ẹlẹyamẹya.
Ṣugbọn awọn olufẹhonuhan kan to ko ara wọn jọ nibi ere ti wọn fi n ṣe iranti ogun ni Whitehall ti wọn si gun ere Winston Churchill ni Parliament Square.
Niṣe ni wọn raga bo ere Churchill lati rii wi pe awọn olufẹhonuhan mii ko woo lulẹ.
