Ivory Coast: Lẹ́yìn ìpàdé aláṣẹ ìjọba ni wọn gbé lọ sílé ìwòsàn níbi tó kú sí
Oríṣun àwòrán, AFP
Inu ọfọ nla ni ijọba ati awọn eeyan orilẹede Ivory Coast wa bayii nitori iku ojiji to sadede mu olootu ijọba, Amadou Gon Coulibaly lọ.
Coulibaly, tii se ẹni ọdun mọkanlelọgọta ni ẹgbẹ to n se ijọba lọwọ ni orilẹ naa ti fa kalẹ bii oludije ninu ibo aarẹ to n bọ losu kẹwa ọdun yii.
Igbesẹ naa lo si waye lẹyin ti aarẹ to wa nipo, Allassane Quatara ni oun ko ni lọ fun saa kẹta lori oye.
Àwọn iròyin tì ẹ leè ní ìfẹ̀ síí:
- Ìtàn ayé Henry Fajemirokun, olówó tó fi owó mọ Olúwa àti ènìyàn
- Tó o bá fẹ́ wọ bàálù lásìkò yìí, wo òfin tuntun tó tẹ̀lé
- Ọwọ́ ọlọ́pàá ìpínlẹ̀ Oyo ti tẹ àwọn aṣekúpani tó ń ṣọṣẹ́ ní Akinyele
- Ìpínlẹ̀ Eko kéde ọ̀nà àbáyọ sí súnkẹrẹ-fàkẹrẹ ọkọ̀ lásìkò àtúnṣe afárá Third Mainland
- Wo ìgbẹ́sẹ̀ méjọ tí ilé aṣòfin ìpínlẹ̀ gbọdọ̀ tẹ̀lé láti yọ igbákejì gómìnà
- Ilé aṣofin Ondo fọwọ́ òsì júwe ilé fún aṣòfin mẹ́ta pé wọ́n tàpá sí òfin ilé
Coulibaly si sẹsẹ ti ilẹ Faranse de ni, nibi to ti lọ setọju aisan ọkan to n baa finra fun odidi osu meji gbako.
Nigba to n sọrọ nipa ọfọ nla to ja lu orilẹede Ivory Coast yii, aarẹ Quattara ni lootọ ni ara Coulibaly ko ya lasiko ipade igbimọ alaṣẹ ijọba ti wọn se.
Ibi ipade yii si lo ni awọn ti tete gbe digba-digba lọ sile iwosan, sugbọn aisan lo se e wo, ko si ẹni to ri ti ọlọjọ se.
Oríṣun àwòrán, Others
"Mo n yonbo aburo mi, ọmọ mi, Amadou Gon Coulibaly, ẹni to ti jẹ alabasisẹ pọ mi fun ọgbọn ọdun gbako, ti mo si tun yin iranti akinkanju ọmọ ilẹ yii naa, fun atilẹyin tootọ rẹ, ifọkansin ati ifẹ si ilẹ baba rẹ."
Iku Coulibaly si ni yoo mu ki ominu wa lori eto idibo to n bọ lọna ni orilẹede naa.
Coulibalylo ti ni aisan ọkan lati ọdun 2012, to si ti lọ silu Paris lọjọ keji osu Karun fun isẹ abẹ.
