Sim Card Regulation: Amòfin kan ní iye ‘Sim Card’ ta bá ní, kò ní ǹǹkan ṣe pẹ̀lu ìwà ọ̀daràn
Oríṣun àwòrán, Getty Images
Awọn ọmọ Naijiria kan ti sọ pe, ọrọ iye Kaadi ibaraẹnisọrọ, Sim Card ti eeyan n lo kọ lo yẹ ko jẹ ijọba logun bayii, bikoṣe bi o ṣe maa ṣakoso awọn ileeṣẹ ibanisọrọ.
Ajafẹtọẹni Kunle Wiseman Ajayi lo sọ ọrọ naa fun BBC Yoruba, lẹyin ti minisita fun eto ibaraẹnisọrọ ati ọrọ aje ori itakun agbaye, Isah Pantani sọ pe, ijọba n gbe igbesẹ lati ri dena ki eeyan kan lo ju kaadi ipe mẹta lọ.
Àwọn iròyin tì ẹ leè ní ìfẹ̀ síí:
- Iléẹjọ́ gíga Akure kọ̀ láti gba onídùróó olórí ìjọ Sotitobire
- Ọkọ̀ agbépo míràn tún gbiná l‘Eko
- Ẹ fi èmi àti àwọn alága káńṣù APC sílẹ̀, ká yanjú aáwọ̀ wa nítùbí-ǹnùbí - Makinde bẹ iléẹjọ́
- Ìjà dópin, ogun tán lórí ìrọ̀lóyè Trump, ilé aṣòfin àgbà ní kó máa bá iṣẹ́ rẹ̀ lọ
- Ọlọ́pàá tó pa èèyàn pokùnso lọ́jọ́ kejì tó dé àhámọ́ àwọn ọ̀tẹlẹ̀múyẹ́
Kunle ni oun to yẹ ki ijọba ṣe ni ko ba awọn awọn ileeṣẹ ibanisọrọ wi lori awọn aṣemaṣe ti wọn n ṣe, paapa bi wọn ṣe ma n ja owo awọn onibara wọn ni ijakuja.
Oríṣun àwòrán, Others
O ṣalaye pe, ootọ ni pe awọn eeyan kan n lo ẹrọ ibanisọro lati wu iwa ibajẹ, ṣugbọn ko digba ti ijọba ba gbe gbendeke le oye sim kaadi ti eyan n lo ki eto abo to ṣe dede.
Ajafẹtọẹni ọhun tẹsiwaju pe "Awọn eeyan n ṣe oriṣirisi ibajẹ lai lo ẹrọ ibanisọrọ, ko di igba ti wọn ba sọ pe eeyan kan ko gbọdọ lo ju simu mẹta lọ ki eto abo ilẹ wa to ṣenu ire."
O ni kaka ki ijọba maa fi akoko ṣofo lori iye simu ti eeyan nlo, n ṣe lo yẹ ki ijọba wa nnkan ṣe si iwa jibiti ti awọn ileeṣẹ ibanisọrọ n hu si awọn ọmọ Naijiria.
- Àwọn ọlọ́kadà alákatakítí ẹ̀sìn tí wọ ìpínlẹ̀ Eko - Charly Boy
- Ọlọ́pàá tó pa èèyàn pokùnso lọ́jọ́ kejì tó dé àhámọ́ àwọn ọ̀tẹlẹ̀múyẹ́
- Àwọn ọlọ́kadà alákatakítí ẹ̀sìn tí wọ ìpínlẹ̀ Eko - Charly Boy
- Bàálù já lulẹ̀,o pín sí mẹ́ta,èèyàn 52 f'arapa
- Íbùdó amúnáwá to gbiná sọ Ibadan,Ṣakí àti Ìséyìn si òkùnkùn biribiri
Ajayi lero pe nnkan to le din iwa ibajẹ ku ni ki ijọba mu aye dẹrun fun awọn eeyan, ki wọn si fi ọrọ siimu silẹ.
Bo tilẹ jẹ pe siimu kan ṣoṣo ni ajafẹtọ ẹni naa n lo, o ni oye owo ti oun n nna lori ẹrọ ibanisọrọ rẹ loṣu le ni ẹgbẹrun un lọna ọgbọn naira.
Oríṣun àwòrán, Others
Amofin agba Dayo Akinlaja ni, labẹ ofin gbogbo ọmọ Naijira ni ẹtọ lati sọrọ bo ṣe wuu, nitori naa, ti eeyan ba ni idi pataki lati ni ju siimu mẹta, ko yẹ ki ijọba sọ pe eeyan ko gbọdọ lo siimu mẹta lọ.
O ni ẹni to ba fẹ wu iwa ọdaran lee huwa ọdaran, bo ba n lo kaadi ipe kan tabi ju bẹẹ lọ.
Akinlaja sọ pe, iwa ọdaran ko ni nnkan ṣe pẹlu iye siimu ti eeyan n lo.
O ṣalaye pe oun to yẹ ijọba ṣe ni lati maa lo ẹrọ igbalode lati tọpinpin awọn ọdaran, nitori simu kan to eniyan lati ṣe iṣẹ ibi.
Amofin ọhun pari ọrọ rẹ pe "Ti eeyan ba ni simu meji tabi mẹta, emi o mọ bi iyẹn ṣe lee din iwa ọdaran ku."
