Ọ̀fẹ́ ni 'Bail': Ajulo ní ó lòdì sófin láti sanwóo béèlì fáwọn ọlọ́pàá, ẹ sọ́ra!
Oríṣun àwòrán, Others
Agbẹjọro ati ajafẹtọ ọmọniyan, Kayode Ajulo ti ni awọn ọdaran lo ma n san owo beeli fun ọlọpaa, ẹnikẹni ti o ba si lee fi ogun rẹ gbari pe oun ko dẹsẹ, ko yẹ ko sanwo kankan.
Ajulọ sọ ọrọ yii lasiko to n fesi si ọrọ ti Igbakeji Ọga Agba ọlọpaa ni ilu Eko, Lawal Shehu sọ, eyi to fi n kilọ fun awọn ọlọpaa, pe ki wọn sọra fun gbigba owo fun beeli lọwọ awọn ti wọn fẹsun kan.
O salaye pe, gbigba beeli afurasi tumọ si pe eeyan kan wa gba oniduro ẹni ti wọn fẹsun kan, ti yoo si jẹjẹ pe afurasi naa ko ni salọ.
Àwọn iròyin tì ẹ leè ní ìfẹ̀ síí:
- Kí ló dé tí Ilé ẹjọ́ sún ìgbẹ́jọ́ Naira Marley sí ọ̀la?
- Kèǹgbè lílù ní Ilọrin rèé, orin ìgbéyàwó, àwàdà àti ẹ̀ẹ̀kẹ́ èébú
- Bukola Saraki figbe ta pé iléẹjọ́ ń fá orí òun lẹ́yìn òun
- Lẹ́yìn ọdún kan, ìgbẹ́jọ́ Fayose lórí ẹ̀ṣùn àjẹbánu ₦2bn gbérasọ
- N kò fẹ́ ṣiṣẹ́ aṣẹ́wó ló mú mi máa wa ọkọ̀ taxi - Obìnrin tó ń wa Uber
Bakan naa lo ni beeli gbigba wa fun awọn eniyan ti wọn wa lahamọ agọ ọlọpaa, amọ ti wọn n beere fun itusilẹ lati lọ si ile pẹlu oniduro, lai ti foju ba ile ẹjọ.
Oríṣun àwòrán, @PoliceNG
Agbẹjọrọ naa ni ẹni ti ko ba daran lasẹ lati beere fun beeli lai san eepinni, pẹlu afikun pe ọmọ Naijiria lẹtọ lati fi ẹjọ ọlọpaa sun, ti wọn ba gba owo fun beeli lọwọ wọn.
Kayode Ajulọ fikun wi pe, o seese ki ẹni ti ile ejọ ko ti dajọ fun lati lọ si ẹwọn, beere beeli pe ki wọn fi oun silẹ ki oun lo sile.
Agbẹjọro ati ajafẹtọ ọmọniyan naa ni ki awọn ọmọ Naijiria mase duro, ki ọlọpaa gbe wọn lọ sile ẹjọ, ki wọn to beere fun beeli.
