NNPC: Kyari ṣàlàyé ohun tó fa ẹ̀dínkù iye epo rọ̀bì tí wọ́n ń kó níbùdó ìpọnpo ní Nàìjíríà
Oríṣun àwòrán, Getty Images
A ti n gbe gbogbo igbese tó yẹ lati fopin si iwa fayawọ epo rọbi -Mele Kyari
Ọga agba ajọ elepo rọbi orilẹ-ede Naijiria, (NNPC) Mele Kyari ti kede pe iye agba epo ti wọn n gbe lawọn ibudo ikepo si lorilẹ-ede Naijiria ti dinku lati nnkan bii ọjọ kejilelogun, oṣu kẹjọ ọdun.
Ninu atẹjade kan ni Ọgbẹni Mele Kyari ti ṣalaye ọrọ yii lori oju opo Twitter rẹ.
O ni eyii nii ṣe pẹlu bi awọn ajọ alaabo ṣe ti awọn aala orilẹ-ede Naijiria pẹlu awọn orilẹ-ede gbogbo to yii ka lọna ati lee dẹkun fayawọ lorilẹ-ede Naijiria.
Ọga agba ajọ NNPC naa ni gbogbo igbesẹ to ba yẹ ni ijọba atawọn ajọ alaabo gbogbo yoo gbe lati dẹkun fayawọ epo rọbi lorilẹ-ede Naijiria.
