Ikorodu cult crisis: A máa gbé Orò síta lọ́jọ́kọ́jọ́ tí ìjà ẹgbẹ́ òkùnkùn bá tún ṣẹlẹ̀- Àwọn Oba ní Ikorodu

Ọ̀pọ̀ awọn ọdọ to n yọ Ikorodu lẹnu lo ni Baba Isalẹ ninu oṣelu- Oba

Lori ikọlu to n waye lojoojumọ ni agbegbe Imọta, Agbowa ati Ibo miran ni Ikorordu lo jẹ ki BBC Yoruba jade lọ wadi ohun ti o n ṣokunfa ilu o fararọ nibẹ.

Ninu ifọrọwerọ pẹlu awọn Oba alade ni agbegbe yii ati pẹlu awọn ar ilu ni BBC ti fidiẹ mulẹ pe ọrọ naa ko ṣẹyin emi ni mo ju ẹ, iwọ lo ju mi laarin ẹgbẹ okunkun.

Awọn Oba Alade ni ẹkun yii bu ẹnu ẹ̀tẹ́ lu iwa jagidijagan laarin awọn ọdọ naa.

Oba Ganiyu Aderibigbe Jamade 1 sọrọ ilẹ kun lori ona abayọ si iṣoro to n koju eto aabo ni ẹkun yii.

Bakan naa ni Oba Mudashiru Ajibade to jẹ Ranodu ti Imọta naa sọ ero tirẹ.

Wọn ni Ainiṣẹlọwọ lo n yọ ọdọ Ikorodu lẹnu nitori ko si nkan ti ko le lo ọwọ to ba dilẹ.

Koda, wọn tun ni awọn Oloṣelu naa n fi kun nkan to n ṣẹlẹ nitori pe bi agbofinro ba ti mu awọn ọdọ oni ipanle yii ni wọn lọ n agb wọn silẹ pe 'Boys wa ni wọn".

BBC tun ba awọn to ti faragba ninu iṣẹlẹ yii sọrọ ti ẹbi wọn ti ku tabi farapa nibẹ sọrọ.

Wọn sọ ohun ti oju wọn n ri ti ọkan ara ilu ko balẹ mọ.