Gay Sex: Ọlọ́pàá dá ọkùnrin méjì tó ń ní ìbálòpọ̀ ọkùnrin sọ́kùnrin padà sí ìlú abínibí wọn

Wọn ti da ọkùnrin meji kan to n ni ibalopọ ọkunrin sọkunrin, to jẹ ara Chechen pada si ilu Chechnya, lati ibi ti wọn salọ lẹyin ti wọn fi ẹsun kan pe wọn fi iya jẹ awọn.

Àjọ ajafẹtọ kan si ti sọ pe inu ewu nla ni wọn wa bayii.

Ẹgbẹ awọn to n ni ibalopọ ọkunrin sọkunrin ni Russia sọ pe awọn ọlọpaa orilẹ-ede Russia lo mu Salekh Magamadov ati Ismail Isayev, ti wọn si da wọn pada si ibi ti wọn ti wa.

Ẹgbẹ naa sọ pe oun lo ran awọn ọkunrin naa lọwọ lati sa lọ si Russia lọdun to kọja, ki ọwọ awọn ọlọpaa Chechen ma baa tẹ wọn, nitori ẹsun pe wọn n samojuto oju opo ayelujara Telegram alatako.

Awọn ọkunrin mejeeji sọ pe wọn fi iya jẹ awọn, ti wọn si tun fi ipa mu wọn lati ṣe fidio fun aforijin.

Àmọ́ sa, ẹgbẹ LGBT ni Russia sọ pe ninu ile wọn to wa ni Nizhny Novgorod, ni awọn ọlọpaa ti mu wọn l'ọjọbọ.

Ko si ẹni to ti i mọ ìdí ti wọn fi fi wọn si ahamọ.

Ẹgbẹ naa sọ pe lẹyin naa ni wọn fi ipá da wọn padà fun awọn alasẹ ni Chechnya.

Awọn musulumi lo pọ julọ ni Chechnya, idẹyẹsi àwọn to n ni ibalopọ ọkunrin sọkunrin si wọpọ nibẹ.

Àmọ́ o, olori ijọba ẹkùn naa, Ramzan Kadyrov ti sọ ni ọpọ igba pe irọ ni ẹsun ifini pamọ lọna ti ko ba ofin mu, ati títẹ ẹtọ ọmọniyan loju, ti wọn fi n kan an.

Koda, oun ati awọn olori ijọba rẹ ti ẹ sọ pe ko si ọmọ ẹgbẹ LGBT kankan ni Chechnya.

Ṣugbọn ọpọ eeyan, to fi mọ awọn ọkunrin meji yii, lo ti sọ ni gbangba pe ijọba n fi iya jẹ awọn nitori iru ibalopọ ti awọn n ni.