Можаро ичида қолган ФИФА янги раҳбар учун овоз бермоқда

Бугун Швейцариянинг Цюрих шаҳрида ФИФАнинг 209 аъзоси янги президент учун овоз беради.

Жараён федерациянинг қатор мулозимлари коррупция билан боғлиқ айбловлар билан ҳибсга олинганидан икки кун ўтиб кузатилмоқда.

ФИФАнинг жорий Президенти Зеп Блаттер яна беш йиллик муддатга қайта сайланиш илинжида. Аммо, унга Иордания шаҳзодаси Али бин ал-Ҳусайн рақиблик қилмоқда.

Цюрих шаҳридаги йиғиннинг иккинчи кунини очиб берар экан, жаноб Блаттер иштирокчиларга ФИФА "мушкул вақт"га юз тутиб турганини айтган.

Коррупция айбловлари билан боғлиқ ҳибслар ортидан ФИФА Президенти Зеп Блаттерга халқаро босимлар ортган.

УЕФА Президенти Мишел Платини ва Британия Бош вазири Дэвид Кэмерон Зеп Блаттерни истеъфога чиқишга чақирганлар.

Аммо, Зеп Блаттер можарога масъул эмаслиги ва коррупцияга қарши курашишни исташини айтган.

"Ҳодисалар ФИФА ва конгрессга соя солмоқда. Бу сояни аритишга ҳаракат қилайлик", деб айтган Блаттер жаноблари.

"Келинг, дунёга ФИФА деган ташкилотни бошқаришга қодирлигимизни кўрсатайлик, биз буни бирга қила оламиз", деб айтган.

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.

Instagram – BBC UZBEK

Twitter – BBC UZBEK

Odnoklassniki – BBC UZBEK

Facebook- BBC UZBEK

Google+ BBC UZBEK

YouTube - BBCUZBEK (https://www.youtube.com/user/bbcuzbek)

Skype - bbcuzbekradio