Фарғоналик футболчи "Фарғона ҳақиқати"газетини нега йиртди?

Ўзбек футболининг кўзга кўринган мураббийларидан Юрий Саркиясян истеъфога юборилган.

Фарғонанинг машҳур "Нефтчи" клуби мураббийсининг истеъфоси ўзбек матбуоти ва футболи тарихидаги мисли кўрилмаган можаро манзарасида кечган.

Шу ҳафта ўтган матчда ўйиннинг 20 - дақиқасида Сирдарёнинг "Гулистон" жамоаси дарвозасига тўп йўллаган фарғоналик ярим ҳимоячи Дилёрбек Эрматов ишқибозлар кўзи ўнгида ўзбек тилидаги "Фарғона ҳақиқати" рўзномасини йиртиб ташлаган.

Журналистларга кўра, "Нефтчи" жамоаси шу тариқа бир кун аввал ўзларини танқид қилган "Фарғона ҳақиқати" рўзномасига норозилик билдиришган.

Аммо ҳодисадан бир кун ўтиб, бош мураббий ва "Нефтчи"нинг бутун раҳбарияти ишдан олинган.

Биз футбол ишқибозлари орасида катта шов-шувга сабаб бўлган ҳодиса тафсилотлари ҳақида Фарғона вилоят журналистлар уюшмаси раҳбари Муҳаммаджон Обидовдан сўрадик.