ФИФА президентлигига номзодлар аниқланди
26 феврал куни бўлиб ўтадиган ФИФА президентлиги сайловларида иштирок этадиган номзодлар маълум бўлди. Рўйхатда вазифасидан 90 кунга четлатилган УЕФА раҳбари Мишел Платини ҳам бор.
7 киши президентликка номзод сифатида қайд этилган. Уларнинг ичида Платини, УЕФА бош котиби Жанни Инфантино, ФИФА бош котибининг собиқ ўринбосари Жером Шампан,Либерия фитбол уюшмаси президенти Муса Билити, Осиё футбол конфедерацияси раҳбари Салмон Ал-Халифа, Иордания шаҳзодаси Али бин Ал-Ҳусайн ва Жанубий Африка республикасининг собиқ вазири Токио Сексвале.
Тринадад ва Тобага терма жамоасининг собиқ сардори Давид Наҳид рўйхатга киритилмаган.
Сайлов натижалари ўз лавозимидан кетишга ва навбатдан ташқари сайлов ўтказишга қарор қилган 79 ёшли Зепп Блаттернинг ворисини аниқлаб беради.
Айни дамда Блаттер ва Платини жаноблари ФИФА аҳлоқ қўмитаси томонидан 90 кунга ишдан четлатилган.
Швейцария прокуратураси ФИФА президентига нисбатан жиноий иш очганидан сўнг шундай қарорга келинган.
Швейцария Бош прокурорига кўра, Блаттер 2005 йили КОНКАКАФ билан ФИФА манфаатларига фойдасиз шартнома имзолаган. Бундан ташқари 2011 йили Блаттер УЕФА президенти Платинига унинг 9 йил олдинги хизмати учун 2 миллион швейцар франки тўлагани ҳам прокуратурани шубҳасига сабаб бўлган.
Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.
Instagram – BBC UZBEK
Twitter – BBC UZBEK
Odnoklassniki – BBC UZBEK
Facebook- BBC UZBEK
Google+ BBC UZBEK
YouTube - BBCUZBEK (https://www.youtube.com/user/bbcuzbek)
Skype - bbcuzbekradio
