کولمبیا کی تباہی کے بعد یہ جہاز بین الاقوامی خلائی سٹیشن تک رسائی کا واحد ذریعہ رہا ہے۔

سوئز خلائی جہاز بین الاقوامی خلائی سٹیشن سے علیحدہ ہونے کے چار گھنے بعد تین خلا بازوں کے ساتھ قزاقستان کے اڈے پر اتر گیا ہے۔

خلائی جہاز میں سوار دو خلا باز جن میں روسی خلاباز سیلی زان اور امریکی لیری چیاؤ ایک سو ترانوے دن تک خلا میں رہنے کے بعد واپس زمین پر پہنچے ہیں۔

جبکہ تیسرا خلا باز رابرٹو وٹوری جس کا تعلق اٹلی سے ہے دس تک خلا میں رہنے کے بعد واپس پہنچا ہے۔

سوئز خلائی جہاز کے خلائی سٹیشن سے علیحدہ ہونے کے بعد کسی ناخوشگوار واقعے سے نمٹنے کے لیے انتظامات کیے گئے تھے۔ امریکی ڈاکٹروں کی ایک ٹیم اور روسی ہیلی کاپٹرز کو تیار رہنے کے لیےکہا گیا تھا۔

سوئز نامی خلائی جہاز 2003 میں خلائی شٹل کولمبیا کی تباہی کے بعد بین الاقوامی خلائی سٹیشن تک رسائی کا واحد ذریعہ رہا ہے۔

امریکی خلائی ادارے ناسا نے اگلے ماہ سے خلائی پروازیں شروع کرنے کا اعلان کر رکھا ہے۔اس اعلان نے مطابق خلائی شٹل ڈسکوری 15 مئی سے تین جون کے درمیان اپنی خلائی سفر دوبارہ شروع کرے گی۔