 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
شمالی سری لنکا میں لڑائی | ||||||||||||||||||||||||||||||||||||||||
سری لنکا کے شمال میں فوج اور مسلح تامل علیحدگی پسندوں کے درمیان شدید لڑائی جاری ہے۔ تامل علیحدگی پسندوں کی ایک حامی ویب سائیٹ میں دعوی کیا گیا ہے کہ دھرماپورم قصبے کے قریب تامل جنگجوؤوں نے حکومتی فوج کے ایک حملے کا بھرپور جواب دیتے ہوئے فوج کے پچاس جوان ہلاک کردیے ہیں۔ سری لنکا کی حکومت نے اِس دعوے کی تردید کرتے ہوئے کہا ہے کہ اِس قصبے پر دو روز پہلے ہی قبضہ کرلیا گیا ہے۔ اسی دوران سری لنکا کے دورے پر آئے ہوئے بھارتی وزیر خارجہ شیو شنکر مینن نے صدر مہیندا راجا پاکشے سے شمال کی صورتحال پر بات چیت بھی کی ہے۔ شیو شنکر مینن کا یہ دورہ ایک ایسے وقت ہو رہا ہے جب بھارت کی حکومت کو اپنے کچھ اتحادیوں کی جانب سے پڑوسی ملک سری لنکا میں فوج اور تامل علیحدگی پسند جنگجوؤں کے درمیان فائر بندی کروانے کے لیے دباؤ کا سامنا ہے۔ سری لنکا کے شمال میں جاری فوجی کاروائی پر بھارت کی جنوبی ریاست تامل ناڈو میں خاصی تشویش پائی جاتی ہے جہاں قریب چھ کروڑ تامل لوگ رہتے ہیں جو کہ سری لنکا میں رہنے والے تاملوں سے قریبی سماجی اور نسلی تعلق رکھتے ہیں۔
بھارت کا سرکاری موقف یہ ہے کہ ایک متحد سری لنکا کے لئے بات چیت کے ذریعے کوئی حل نکالا جائے کیونکہ بھارت جانتا ہے کہ سری لنکا میں ہونے والی کوئی بھی شکست و ریخت خود اُس کی سکیورٹی کے لئے خطرہ ہوسکتی ہے۔ بھارتی حکومت نے اب تک سری لنکا میں فوجی کاروائی ختم کرنے کو تو نہیں کہا ہے لیکن تامل علیحدگی پسندوں کے خلاف جاری کاروائی سے متاثرہ علاقوں میں پھنسے عام لوگووں کے لئے مزید امداد کی پیشکش ضرور کی ہے۔ سری لنکا میں کئی تاملوں کا خیال ہے کہ اِس لسانی تنازعے کا کوئی سیاسی حل بغیر بھارت کی مداخلت کے ممکن نہیں۔ |  اسی بارے میں  سری لنکا: 26 باغی اور 3 فوجی ہلاک20 June, 2008 | آس پاس ’دہشتگردی سے مل کر نمٹنا ہوگا‘02 August, 2008 | آس پاس کولمبو میں دھماکہ، تینتالیس زخمی 30 August, 2008 | آس پاس تامل ’ہیڈکوارٹر‘ پر قبضے کا دعویٰ02 January, 2009 | آس پاس سری لنکن فوج کی پیش قدمی جاری03 January, 2009 | آس پاس تامل ’ہیڈکوارٹر‘ میں داخلے کا دعویٰ02 January, 2009 | آس پاس تامل ’ہیڈکوارٹر‘ پر قبضے کی اہمیت؟03 January, 2009 | آس پاس | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
سری لنکا میں کئی تاملوں کا خیال ہے کہ اِس لسانی تنازعے کا کوئی سیاسی حل بغیر بھارت کی مداخلت کے ممکن نہیں۔ 
