عراقی کابینہ کا اجلاس دو گھنٹے سے زیادہ دیر تک جاری رہا

اس منصوبے کے تحت امریکی فوجی دستے آئندہ سال عراق کے عام رہائشی علاقوں سے دستبردار ہو جائیں گے اور دو ہزار گیارہ میں عراق سے لوٹنا شروع کر دیں گے۔

کابینہ کی اس منظوری کو اب یہ منصوبہ حتمی منظوری کے لیے عراقی پارلیمنٹ میں پیش کیا جائے گا۔

اقوام متحدہ کی طرف سے دی گئی مدت کے اختتام سے قبل دونوں ملک امریکی افواج کی عراق میں موجودگی کے بارے میں ایک نئی دوطرفہ مفاہمت کے لیے بات چیت کر رہے ہیں۔ اقوام متحدہ کی مدت اکتیس دسمبر دو ہزار آٹھ کو ختم ہو رہی ہے۔

عراق نے اکتوبر میں امریکہ کو افواج کی موجودگی کے بارے میں معاہدے کے مسودے میں نئی تجاویز دی تھیں جس کا امریکہ نے جواب دیا ہے۔

اگرچہ واشنگٹن نے اس پہلے کہا تھا کہ اس سلسلے جو معاہدہ ہے وہ حتمی ہے اور اس میں کوئی تبدیلی نہیں کی جائے گی۔

عراق میں ڈیڑھ لاکھ امریکی فوجیوں کے علاوہ برطانیہ کے بھی چار ہزار ایک سو فوجی ہیں اور برطانیہ عراق امریکہ مفاہمت طے پانے کا انتظار کر رہا ہے تا کہ اسی مفاہمت کو مثال کے طور پر استعمال کر سکے۔

عراقی کابینہ کا اجلاس اتوار کو ہوا اور اتوار ہی کو بغداد اور دیالہ میں دو بم حملے ہوئے جن میں کم از کم اٹھارہ افراد ہلاک اور متعدد زخمی ہوئے ہیں۔