روسی جہاز جورجیا پر بمباری کر رہے ہیں: جورجیا

جورجیا کے صوبے جنوبی اوسیٹیا کے روس کے ساتھ تعلقات ہیں اور یہ علاقہ انیس سو نوّے کی دہائی سے عملاً خودمختار ہے۔ جورجیا کی اس علاقے پر کنٹرول حاصل کرنے کے لیے ایک عرصے سے علیحدگی پسندوں سے لڑائی جاری ہے۔

روسی حملہ  ایک سو پچاس ٹینک اور دیگر گاڑیاں جنوبی اوسیٹیا میں داخل ہو گئی ہیں۔ روس ہماری ہی سرزمین پر ہم سے جنگ کر رہا ہے جورجیا کے صدر

اس سے قبل جورجیا کے صدر میخائل ساکیشولی نے ریزرو فورس کو بھی لڑائی میں شامل ہونے کا کہا ہے اور روس پر الزام عائد کیا ہے کہ روسی جہاز جارجیا پر بمباری کر رہے ہیں۔ تاہم اس الزام کی تصدیق نہیں ہوئی ہے۔

	شکنولی میں ہسپتال زخمیوں سے بھر گئے ہیں: ریڈ کراس

ماسکو میں وزارت دفاع نے کہا ہے کہ جنوبی اوسیٹیا میں امن فوج کے اس کے دس اہلکار ہلاک اور تیس زخمی ہو گئے ہیں۔ پندرہ شہریوں کی ہلاکت کی بھی اطلاعات ہیں۔

یورپی یونین، امریکہ اور نیٹو نے فوری جنگ بندی کی اپیل کی ہے۔ دوسری طرف چین نے اولمپک کھیلوں کے دوران دنیا بھر میں امن کا مطالبہ کیا ہے۔

جورجیا کے صدر نے کہا کہ ایک سو پچاس ٹینک اور دیگر گاڑیاں جنوبی اوسیٹیا میں داخل ہو گئی ہیں۔ انہوں نے سی این این کو بتایا کہ ’روس ہماری ہی سرزمین پر ہم سے جنگ کر رہا ہے‘۔