 | | | اس سے قبل اسامہ کو اکتوبر 2004 میں ایک وڈیو میں دیکھا گیا تھا |
ایک نئی وڈیو ٹیپ میں اسامہ بن لادن کو تین سال میں پہلی بار دیکھا گیا ہے۔ امریکہ کی خفیہ ایجنسی سی آئی اے کو یہ وڈیو دستیاب ہوئی ہے اور اس کا مطالعہ کیا جارہا ہے۔ اس وڈیو میں اسامہ بن لادن سفید اور کرِیم رنگ کا عبا پہنے ہوئے ہیں۔ واشنگٹن میں بی بی سی کے نامہ نگار کا کہنا ہے کہ اسامہ بن لادن اس وڈیو میں تھکے ماندے دکھائی دے رہے ہیں۔ سی آئی اے ابھی تحقیق کر رہی ہے کہ یہ وڈیو مستند ہے یا نہیں۔
اس وڈیو میں ان کی داڑھی ماضی کے مقابلے میں چھوٹی اور زیادہ سیاہ دکھائی دیتی ہے۔ ماہرین کے مطابق یہ وڈیو شاید گزشتہ ایک ماہ کے دوران بنائی گئی ہوگی۔آسٹریلیا کے دورے پر امریکی صدر جارج بش نے کہا کہ اس وڈیو سے واضح ہے کہ ’ہم کتنی خطرناک دنیا میں رہتے ہیں۔‘ انہوں نے کہا: ’یہ اہم ہے کہ ہم اپنے تحفظ کے لیے اپنا عزم و استقلال پر قائم رہیں، القاعدہ کو محفوظ ٹھکانوں سے محروم کردیں۔‘ تیس منٹ کی اس وڈیو میں اسامہ بن لادن نے عراق میں جنگ کے خاتمے کے دو طریقے بتائے ہیں: اول یہ کہ امریکہ کی اتحادی افواج کے خلاف مزاحمت میں تیزی کی جائے، یا دوئم یہ کہ امریکہ اسلام قبول کرلے۔ | تیس منٹ کی وڈیو  تیس منٹ کی اس وڈیو میں اسامہ بن لادن نے عراق میں جنگ کے خاتمے کے دو طریقے بتائے ہیں: اول یہ کہ امریکہ کی اتحادی افواج کے خلاف مزاحمت میں تیزی کی جائے، یا دوئم یہ کہ امریکہ اسلام قبول کرلے۔  |
جمعرات کو ہی القاعدہ کی شاخ سمجھی جانے والی ایک ویب سائٹ نے اعلان کیا تھا کہ گیارہ ستمبر کے حملوں کے چھ سال مکمل ہونے پر اسامہ بن لادن امریکہ کے نام ایک پیغام نشر کرینگے۔ ذرائع ابلاغ کے مطابق امید کی جارہی ہے کہ آئندہ بہتر گھنٹوں کے اندر یہ وڈیو نشر کی جاسکتی ہے۔ نامہ نگاروں کا کہنا ہے کہ نئی وڈیو سے یہ قیاس آرائیاں ختم ہوجائیں گی کہ اسامہ بن لادن زندہ نہیں ہیں۔ امریکی داخلی سکیورٹی کے محکمے نے کہا ہے کہ اس کے پاس امریکہ کے خلاف کسی فوری حملے کی معتبر اطلاع نہیں ہے۔ ادھر امریکی وزارت خارجہ کے ترجمان ٹام کیسی نے کہا ہے کہ ’میں نہیں سمجھتا کہ کوئی بات جو وہ کہ رہے ہیں یا کہنے جارہے ہیں انتہاپسندی کا مقابلہ کرنے کے ہمارے عزم یا ہمارے عالمی پارٹنروں کے عزم کو تبدیل کرسکتی ہے۔‘ تاہم جمعہ کو نیو یارک میں کونسل آن فارن ریلیشنز سے ایک خطاب میں سی آئی اے کے ڈائریکٹر مائیکل ہیڈن نے وارننگ دی کہ القاعدہ امریکہ پر نئے حملوں کی منصوبہ بندی کر رہی ہے۔ ہیڈن نے کہا: ’ہمارے تجزیہ نگاروں نے کافی معتبر اندازہ لگایا ہے کہ القاعدہ امریکہ میں پراثر منصوبوں کی پلاننگ کر رہی ہے۔۔۔۔ القاعدہ ایسے مقامات پر توجہ دیے ہوئے ہے جن سے بڑے پیمانے پر ہلاکتیں ہوں۔‘ گزشتہ جولائی میں امریکی سینیٹ نے اسامہ بن لادن کو پکڑنے کے لیے انعام کی رقم دگنا کر کے پچاس ملین ڈالر کردی تھی۔
| 
اقتباسات: آنکھ کے بدلے آنکھ۔۔۔
