 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
روسی صحافی کے قتل میں گرفتاریاں | ||||||||||||||||||||||||||||||||||||||||
تحقیقاتی رپورٹوں کے حوالے سے معروف روسی صحافی آنا پولیٹیکوسکویا کے قتل کے سلسلے میں دس لوگوں کو گرفتار کیا گیا ہے اور حکام کا کہنا ہے کہ ان پر فردِ جرم جلد عائد کر دی جائے گی۔ روسی ٹی وی نے روس کے پراسیکوٹر جنرل یوری چائیکا کو صدر پوتین کو گرفتاریوں کے بارے میں آگاہ کرتےہوئے اور یہ بتاتے ہوئے دکھایا ہے کہ گرفتار کیے جانے والے ان افراد پر فردِ جرم جلد ہی عائد کر دی جائے گی۔ یوری چائیکا کا کہنا ہے کہ اس ہلاکت کی تحقیقات کے سلسلے میں ’اہم پیش رفت‘ ہوئی ہے۔ اس قتل کے وسیع پیمانے پر مذمت کی گئی ہے۔ صحافی آنا پولیٹیکوسکویا روسی صدر پوتین پر کڑی تنقید کے حوالے سے معروف تھیں اور انہیں ان کے اپارٹنمٹ میں گولی مار کر ہلاک کیا گیا تھا اور ان کی لاش اپارٹمنٹس کی لِفٹ میں ملی تھی۔ آنا پولیٹیکوسکویا کو اس وقت قتل کیا گیا جب وہ گھر سے دفتر کے لیے روانہ ہو رہی تھی۔ عمارت کے سی سی ٹی وی کیمرے سے حاصل کی جانے والی فلم میں ایک مسلح شخص، ان کے قتل سے کچھ ہی دیر پہلے عمارت میں داخل ہوتے ہوئے نظر آتا ہے۔ اس سے خیال کیا گیا ہے کہ قتل واحد آدمی کی کارروائی ہے۔ بی بی سی نامہ نگار روپرٹ ونگ فیلڈ ہیز کے مطابق شروع میں یہ افواہیں بھی پھیلی تھیں کہ قاتل کا کسی چیچن جرائم پیشہ گروہ یا روسی سکیورٹی سروس سے تعلق ہو سکتا ہے۔
روسی حکومت شروع ہی سے اس کی دو ٹوک تردید کرتی رہی ہے کہ اس کا اس قتل سے کسی طرح کا کوئی تعلق ہے۔ اڑتالیس سالہ اینا، دو بچوں کی ماں تھیں اور وہ روسی حکومت کی چیچنیا میں سرگرمیوں کے سخت ناقدین میں سے تھیں۔ وہ روس کے آزاد خیال اخبار ’نوویا گزٹ‘ کے لیے کام کرتی تھیں۔ اس کے علاوہ وہ انگریزی میں دو کتابوں کی بھی مصنفہ تھیں۔ جس میں ایک سال 2001 میں شائع ہوئی تھی اور اس کا نام ’ایک گھناؤنی جنگ: چیچنیا میں ایک روسی رپورٹر‘ اور دوسری ’پوتن کا روس‘ جو سال 2004 میں شائع ہوئی تھی۔ |  اسی بارے میں  اینا پولیکووسکایا : آخری مضون شائع ہوگیا 12 October, 2006 | آس پاس روسی صحافی کے قاتل کی تلاش08 October, 2006 | آس پاس صحافیوں پر بش انتظامیہ کی تنقید28 June, 2006 | آس پاس روس میں بے قابو ہوتا نسلی امتیاز04 May, 2006 | آس پاس ’عراق میں 86 صحافی ہلاک ہوئے‘20 March, 2006 | آس پاس صحافیوں کے لیے بہت برا سال11 December, 2004 | آس پاس چیچن رہنما نے ذمہ داری قبول کی17 September, 2004 | آس پاس پیوتن کے ’حریف‘ کے دفاتر پر چھاپے03 July, 2004 | آس پاس | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
