عراق میں فوجی کارروائی شروع ہونے کے بعد پہلی مرتبہ اتنے بڑے اہلکار کی ہلاکت ہوئی ہے

جس وقت ان کی گاڑی پر یہ بم دھماکہ ہوا خلیل جلیل حمزہ اور پولیس چیف میجر جنرل خالد حسن ایک قبائلی رہنما کی آخری رسومات سےدیوانیہ واپس آرہے تھے۔دھماکے میں گورنر موقع پر ہی ہلاک ہوگئے جبکہ پولیس چیف نے ہسپتال میں دم توڑا۔اس حملے میں تین محافظ بھی ہلاک ہوئے ہیں۔

خیال ہے کہ چار سال قبل امریکی قیادت میں شروع ہونے والی فوجی کارروائی میں پہلی مرتبہ عراق کے کسی صوبے میں اتنے اعلیٰ اہلکار ہلاک ہوئے ہیں۔

عراقی سرکاری ٹیلی وثرن کے مطابق ان ہلاکتوں کے بعد نائب گورنر نے صوبے میں کرفیو نافذ کر دیاہے۔

ہلاک ہو نےوالےگورنرشیعہ مسلم پارٹی، سپریم اسلامک عراقی کونسل کے فوجی ونگ، بدر تنظیم کی اہم شخصیات میں سے ایک تھے ۔اور صدر نے حال ہی میں صوبے میں دوسری ملیشیاؤں کو ہدایت کی تھی کہ وہ غیر مسلح ہو جائیں۔