یورپ میں مسلمان خواتین کے نقاب پہننے پر بحث کافی عرصے سے جاری ہے

کیتھولک چرچ کے اعلی اہلکار نے مسلمان تارکین وطن اور خاص طور پر مسلمان خواتین سے یہ بات نقاب اور پردے کے بارے میں پیدا ہونے والے تنازع کے تناظر میں کہی ہے۔

کارڈینل ریناتو مارتینو نے جو ویٹیکن میں امیگریشن کے محکمے کے سربراہ ہیں کہا کہ تارکین وطن پر لازم ہے کہ وہ جس ملک میں رہائش اختیار کریں اس ملک کے قوانین، تقافت اور مذہبی عقائد کا احترام کریں۔ کارڈینل رتناتو کے بیان سے کیتھولک چرچ بھی مسلمان تارکین وطن اور یورپی معاشروں میں ہم آہنگی کی بحث میں شامل ہو گیا ہے۔

کارڈینل ریناتو نے برطانیہ کے سابق وزیر داخلہ جیک سٹرا کے بیان کی عکاسی کی ہے جس میں انہوں نے اپنے حلقے کی خواتین سے کہا تھا کہ ان سے ملاقات کے دوران وہ اپنا نقاب اتار کر بات کیا کریں۔

جیک سٹرا نے کہا تھا کہ مسلمان خواتین کے نقاب پہنے سے معاشرے میں مشکالات پیدا ہو رہی ہیں اور اس طرح خواتین معاشرے کا حصہ نہیں بن پاتیں۔

کیتھولک چرچ کے ایک اور اعلی اہلکار آرچ بشپ اگسٹانو مارشیٹو نے کہا تھا کہ مسلمانوں کو یہ بات سمجھنی چاہیے کہ ان کے کچھ مذہبی عقائد اور روایات وسیع تر معاشرے کے مفاد میں نہیں ہیں۔