شاہ زیب جیلانی بی بی سی، امریکہ

	ڈک چینی معاہدے کو دونوں ممالک کے لیئے اہم سمجھتے ہیں

انہوں نے اس بات سے بھی خبردار کیا کہ معاہدے میں کوئی ایسی ترامیم نہ کی جائیں جن سے معاہدہ کھٹائی میں پڑ جائے۔

یو ایس انڈیا بزنس کونسل سے خطاب کرتے ہوئے ڈک چینی نے کہا کہ انہیں مکمل امید ہے کہ امریکہ اور انڈیا کا مجوزہ جوہری معاہدہ کانگریس منظور کر لے گی۔

انہوں نے کہا کہ مجوزہ معاہدہ صدر بش کے دوسرے صدارتی دور کی خارجہ پالیسی کا سب سے اہم کام ہے۔

انہوں نے کہا کہ ’اس معاہدے کی منطق بالکل صاف ہے۔ پہلی بات یہ ہے کہ ہندوستان کی توانائی کی ضرورت کے لیئے جوہری توانائی بہت ضروری ہے۔ اس معاہدے سے امریکیوں کے لیئے بھی روزگار کے نئے مواقع پیدا ہوں گے۔ ہمیں امید ہے کہ کانگریس فوری طور پر اس معاہدے پر قانون سازی کرے گی تاکہ ہم دونوں ملک آگے بڑھ سکیں‘۔

اس معاہدے پر حتمی ووٹ جولائی کے وسط سے پہلے متوقع نہیں ہے۔