سلامتی کونسل دور جدید کی نمائندہ نہیں: ٹونی بلیئر

امریکہ میں اپنے ایک اہم خطاب کے دوران ٹونی بلیئر کا کہنا تھا کہ سیکرٹری جنرل کو مزید اختیارات دینے پر غور کیا جانا چاہیے تاکہ بین الاقوامی مسائل میں اقوام متحدہ فعال ثابت ہوسکے۔

اقوام متحدہ کے سیکرٹری جنرل کوفی عنان کے ایک ترجمان نے ٹونی بلیئر کی تجویز کا خیرمقدم کیا ہے۔

جارج ٹاؤن یونیورسٹی میں اپنے خطاب کے دوران برطانوی وزیراعظم نے ورلڈ بینک اور مالیاتی ادارے انٹرنیشنل مانیٹری فنڈ یعنی آئی ایم ایف میں اصلاحات کی بھی بات کی۔

کونسل کی موجودہ شکل نمائندہ  سلامتی کونسل کی موجودہ شکل نمائندہ نہیں کہی جاسکتی کیوں کہ اس میں جرمنی، جاپان اور انڈیا شامل نہیں ہیں۔ کونسل میں لاطینی امریکی ممالک اور افریقی ملکوں کی نمائندگی کی بھی ضرورت ہے۔ وزیراعظم ٹونی بلیئر

ٹونی بلیئر نے آئی ایم ایف اور عالمی بینک میں تبدیلیوں کی ضرورت کے ساتھ ساتھ ایران، حماس اور آئی اے ای اے کے بارے میں بھی باتیں کی۔

ان کا کہنا تھا کہ دنیا میں وسیع تر سلامتی کے لیے ایران کو بدلنا ہوا۔ انہوں نے کہا: ’میں یہ نہیں کہہ رہا ہوں کہ (ایران پر) تبدیلی تھوپ دی جائے گی۔‘ آئی اے ای اے کےبارے میں ٹونی بلیئر نے مشورہ دیا کہ اسے یورینیم کا ایک بینک قائم کرنا ہوگا جہاں سے توانائی کے لیے تمام ممالک کو ایٹمی ٹیکنالوجی مل سکے۔

حماس کے بارے میں انہوں نے کہا کہ اسے اسرائیل کو تسلیم کرنے کے اپنے موقف کو ترک کرنا ہوگا تاکہ فلسطینیوں اور اسرائیل کے درمیان ایک سمجھوتے کے لیے بات چیت شرو ع ہوسکے۔