افغانستان میں غیر ملکیوں کے اغواء کے واقعات کم ہیں

ان دونوں افراد کو افغانستان کے دارالحکومت کابل میں کام پر جاتے ہوئے راستے میں اغواء کیا گیا۔

وزرت داخلہ کے ترجمان کا کہنا ہے کہ اغواء ہونے والے افراد کے بارے میں گمان ہے کہ وہ کسی نجی سیکورٹی فرم میں کام کرتے ہیں اور انہیں مقامی وقت کے مطابق پانچ بج کر تیس منٹ پر اغواء کیا گیا۔

تاہم انہوں نے یہ نہیں بتایا کہ پولیس کو اس سلسلے میں کس پر شبہ ہے۔ افغانستان میں غیر ملکیوں کے اغواء کے واقعات کم ہیں۔

گزشتہ سال مجرموں کے ایک گروہ نے اٹلی کے ایک امدادی کارکن کو اغواء کرکےچوبیس دن یرغمال بنائے رکھنے کے بعد بغیر کوئی نقصان پہنچائےرہا کر دیاتھا۔ اس سے قبل اقوام متحدہ کے دو کارکنوں کو بھی اغواء کیا گیا تھا۔

کابل شہر سے باہر اغواء کے واقعات عام ہیں جن کے لیے طالبان کو ذمہ دار ٹھرایا جاتا رہا ہے۔

مغربی ممالک نے جنوری میں کابل میں اپنے شہریوں کو اغواء کے ممکنہ خطرے کے پیش نظر خبردار رہنے کا حکم دیا تھا۔

شہر میں قیام پذیر غیرملکیوں کو پیغمبرِ اسلام کے کارٹون چھاپنے کے خلاف ہونے والے تشدد کے واقعات کے بعد سخت حفاظتی اقدامات کی ہدایت کی گئی ہے۔