ہلاک ہونے والوں میں زیادہ تر پولیس کے اہلکار شامل تھے۔

حکام کا کہنا ہے کہ دھماکے میں کم سے کم بارہ افراد ہلاک اور گیارہ زخمی ہوئے ہیں۔ ہلاک ہونے والوں میں زیادہ تر پولیس کے اہلکار شامل تھے۔

ایک مقامی شخص نے خبر رساں ادارے رائٹرز کو بتایا ہے کہ دھماکہ پولیس کی عمارت کے سامنے ایک کار پارک میں ہوا۔
پولیس تھانے کے ایک اہلکار کا کہنا ہے کہ یہ ایک خود کش بم حملہ تھا اور حملہ آور نے ایک موٹر سائکل استعمال کی تھی تاہم افغان وزارت داخلہ نے ابھی اس بات کی تصدیق نہیں کی ہے۔

ایک مقامی شخص نے خبر رساں ادارے رائٹرز کو بتایا ہے کہ دھماکہ پولیس کی عمارت کے سامنے ایک کار پارک میں ہوا۔

ادھر قاری محمد یوسف نامی طالبان کے ایک مبینہ ترجمان کا کہنا ہے کہ طالبان ہی اس حملے کے ذمہ دار تھے۔

حالیہ دنوں میں افغانستان کے مشرقی اور جنوبی علاقوں میں کئی ایسے حملے ہوئے ہیں۔

پندرہ جنوری کو بھی قندھار میں ایک خودکش بم حملہ ہوا تھا جس میں ایک کینیڈین سفارتکار سمیت تین افراد ہلاک ہوئے تھے۔ اس کے اگلے روز موٹر سائیکل پر سوار ایک خودکش حملہ آور نے سپن بلدک میں دھماکہ کر کے تئیس افراد کو ہلاک کیا تھا۔