اسرائیلی آرٹلری نے بھی غزہ کے علاقوں میں گولہ باری کی۔

اسرائیل کے تازہ حملوں کی وجہ غزہ کے قصبے بیت الحون میں بجلی کا نظام درہم برہم ہو گیا ہے۔

حماس کے راکٹ حملوں کو بند کرنے کے اعلان کے بعد بھی اسرائیل نے غزہ کے علاقے میں فضائی حملے جاری رکھے ہوئے ہیں۔

حماس نے ایک ویڈیو جاری کی ہے جس میں ایک اسرائیلی بزنس مین کو دکھایا جس کو اغوا کرنے کے بعد ہلاک کر دیا گیا تھا۔

ویڈیو میں اسرائیلی بزنس مین ساسن نوری کو حماس کے نقشے کے سامنے آنکھوں پر پٹی باندھے ہوئے دکھایا گیا۔

اسرائیل کی فضائیہ کے علاوہ آرٹلری نے غزہ میں گولہ باری کی۔اسرائیل کا کہنا ہے کہ وہ علاقے میں راکٹ فائر کیے جانے کے بعد جوابی کارروائی کر رہے ہیں۔

اسرائیل کا کہنا ہے کہ اس کی فضائیہ حماس کے ٹھکانوں کو نشانہ بنا رہے ہے۔ اپنے تازہ حملے میں اسرائیلی طیاروں نے بیت الحون کے علاقے میں واقع ایک پل کو تباہ کر دیا ہے۔ اسرائیل کا کہنا کہ اس کو اسرائیل میں حملے کرنے کے لیے استعمال کیا جا رہا تھا۔

اسرائیل نے پندرہ دن پہلے غزہ کے علاقے خالی کرنے دیئے تھے۔