تینوں خود کش بمباروں کی تصاویر کیمروں میں موجود ہیں

اس بات کا انکشاف سراغ رسانوں نے دوران تحقیق ہزاروں گھنٹوں پر مشتمل فلموں کے مشاہدہ کے بعد کیا۔

اس خودکش حملے میں باون افراد ہلاک ہوگئے تھے۔ خود کش بمباروں نے تین ٹیبوں اور ایک بس کو نشانہ بنایا تھا۔

سی سی ٹی وی کے امیـجز دکھاتے ہیں کہ کنگ کراس کی طرف سفر کرنے سے قبل تینوں بمبار لوٹن سٹیشن میں داخل ہوئے جہاں پر ان کی تصاویر کیمروں میں موجود ہیں۔

اس سے قبل القاعدہ کے رہنما اور اسامہ بن لادن کے نائب ایمن الظواھري نے پہلی مرتبہ ایک ویڈیو ٹیپ میں تسلیم کیا کہ سات جولائی کو لندن میں ہونے والے دھماکے القاعدہ نے کروائے تھے۔

انہوں نے عربی ٹی وی چینل الجزیرہ پر نشر ہونے والی ایک ویڈیو ٹیپ میں کہا کہ دھماکوں کا ’سہرا‘ القاعدہ کے سر ہے۔

القاعدہ کے ایک اور بیان میں برطانیہ کی خارجہ پالیسی کوان حملوں کا ذمہ دار قرار دیا گیا۔

بی بی سی کے ہوم افیئر نامہ نگار کا کہنا ہے کہ پولیس نے سی سی ٹی وی کی فلموں میں دیکھا کہ کس طرح تینوں حملہ آوروں نےان حملوں کی ڈمی ریہرسل کی۔