 | | | ملک بدری کے اختیارات کے تحت سات الجزائریوں کونظر بند کر کیا گیا |
برطانیہ میں قومی سلامتی کے لیے دیے گئے ملک بدری کے اختیارات کے تحت سات الجزائریوں کونظر بند کیا گیا ہے۔ ان الجزائری باشندوں کو لندن اور مانچسٹر میں امیگریشن سروس اور پولیس کی مشترکہ کارروائی کے دوران نظر بند کیا گیا۔ ذرائع کا کہنا ہے کہ جن لوگوں کے خلاف کارروائی کی گئی ہے ان میں اکثر وہ لوگ ہیں جو اس سے پہلے زہر مواد رکھنے کے ایک معاملے میں ملزم تھے اور انہیں عدالت سے بری کر دیا تھا۔ یہ کارروائی وزیرداخلہ کے اس منصوبے کے بعد کی گئی جس کے تحت اس بات کی اجازت دی گئی ہے کہ دہشت گردی کے مشکوک افراد کو تین ماہ کے لیے کسی الزام کے بغیر زیر حراست رکھا جا سکتا ہے۔ انسدادِ دہشت گردی کی دیگر تجاویز کی تفصیل بناتے ہوئے چارلس کلارک نے بتایا تھا کہ اس میں دہشت گردی پر اکسانے اور اس سلسلے میں تیاری کے اقدامات بھی شامل ہیں۔ وہ اس سلسلے میں وہ پارلیمنٹ میں ان قوانین پر تمام جماعتوں کا اتفاق رائے چاہتے ہیں تا کہ اس سلسلے میں تمام قوانین لندن بمباری کے پس منظر میں جلد از جلد منظور ہو جائیں۔ لندن پولیس کا کہنا ہے کے جمعرات کو کی جانے والی کارروائی کے دوران کسی کے خلاف بھی قابلِ تعزیر قانون کے تحت کارروائی نہیں کی گئی۔ | 
یہ صفحہ دوست کو ای میل کیجیئے
پرِنٹ کریں
