 |  لندن میں گزشتہ ہفتے ہونے والے ناکام حملوں کے بعد مطلوب مشتبہ افراد |
پولیس نے لندن میں متعدد افراد کو گرفتار کیا ہے جن میں 7/21 کے ناکام حملوں کے دو مشتبہ مطلوب بھی شامل ہیں۔ تازہ ترین اطلاع کے مطابق بی بی سی کے کرائم نامہ نگار کا کہنا ہے کہ پولیس نے بتایا ہے کہ اس کا خیال ہے کہ گرفتار کیے جانے والے مطلوب مشتبہ افراد میں سے ہیں ان میں سے ایک کا تعلق ہکنی میں کیے جانے والے بس دھماکے سے ہے۔ پولیس نے دو افراد کو لیور پول سٹریٹ سٹیشن سے حراست میں لیا جبکہ مشتبہ مطلوب افراد کو نوٹنگ ہل کے علاقے سے حراست میں لیا گیا۔ مرکزی لندن میں واقع لیور پول سٹریٹ سٹیشن سے گرفتاری کے بعد دو سٹیشن خالی کو کرانے کے بعد بند بھی کر دیا گیا ہے۔ یہ بھی بتایا گیا ہے کہ لندن میں 21 جولائی کے ناکام حملوں کی جاری تحقیقات کے دوران مغربی لندن کے علاقے نوٹنگ ہل میں بعد از دوپہر آپریشن شروع ہونے والا آپریشن جاری ہے۔ پولیس نے جن دو افراد کو حراست میں لیا ہے، ان میں سے حراست میں لیے جانے والے ایک شخص کو حراست میں لیے جانے کے بعد ٹی وی پر لے جاتے ہوئے بھی دکھایا گیا ہے۔ مذکورہ شخص کو ایسے سفید لباس میں ملبوس کر کے لے جایا گیا جس کے بارے میں کہا جاتا ہے وہ کیمیائی شہادتیں محفوظ کرنے کے لیے پہنایا جاتا۔ اسے لے جانے والے پولیس اہلکاروں نے بھی کیمیائی اثرات سے محفوظ کرنے والا لباس پہنا ہوا تھا۔ اس شخص کو علاقے میں محصور کیے جانے والے ایک فلیٹ سے گرفتار کیا گیا۔ نوٹنگ ہل سے آپریش کو رپورٹنگ کرنے والے نامہ نگاروں کا کہنا ہے کہ گرفتار مبینہ ناکام حملہ کرنے والوں میں سے ہیں تاہم پولیس نے اس بارے میں اب تک کچھ نہیں بتایا۔ اگر یہ اطلاع درست ہے تو برمنگھم ہونے والی گرفتاری کے بعد ان گرفتاریوں کے نتیجے میں چار میں سے تین مطلوبہ افراد گرفتار ہو چکے ہیں۔ لیکن نوٹنگ ہل میں کے ایک مخصوص علاقے کا محاصرہ ابھی ختم نہیں کیا گیا۔ مغربی لندن میں پولیس نے جب بعد دوپہر آپریش شروع کیا تو علاقے میں گولیوں کی آوازیں بھی سنی گئی ہیں۔ | 
یہ صفحہ دوست کو ای میل کیجیئے
پرِنٹ کریں
