محمد بوئیری نے عدالت کو وجہ قتل بتانے سے گریز کیا

بوئیری نے گزشتہ نومبر میں ہالینڈ کے فلمساز کو ہلاک کر دیا تھا۔ ان کے بہیمانہ قتل کے بعد ہالینڈ کا معاشرہ سکتے میں آ گیا تھا کیونکہ اس سے قبل وہاں اس طرح کا کوئی واقعہ نہیں ہوا تھا۔

بوئیری ہالینڈ اور مراکش کی دہری شہریت رکھتے ہیں۔ انہوں نے عدالت میں اپنے جرم کا اعتراف کیا اور کہا کہ انہیں زیادہ سے زیادہ سزا دی جائے کیونکہ اگر موقع ملا تو وہ دوبارہ بھی یہی کریں گے۔

استغاثہ کے مطابق وان گاف کے قتل سے نسلی انتشار پھیلا ہے اور ہالینڈ کے معاشرے کو نقصان پہنچا ہے۔

بوئیری نے مقدمے کے دوران عدالت کو بہت کم بتایا کہ انہوں نے قتل کیوں کیا تھا۔ ہالینڈ میں ابھی تک یہ سوال گردش کر رہا ہے کہ کس طرح بوئیری جو کہ ہالینڈ میں ہی پیدا ہوئے اتنے انتہا پسند ہو گئے۔