سٹاک ویل جہاں مسلح پولیس ایک شخص کے گوکیوں کا نشانہ بنایا

مسلم کونسل آف برطانیہ، ایم سی بی کا کہنا ہے کہ سٹاک ویل ٹیوب سٹیشن پر رونما ہونے والے واقعے کے بعد سے انہیں پریشان لوگوں کے ٹیلی فون آ رہے ہیں۔

میٹروپولیٹن پولیس خصوصی آپریشنز کے سابق کمانڈر رائے رام کا کہنا ہے کہ ممکنہ خود کش حملہ آوروں کے بارے میں ’شوٹ ٹو کِل‘ کی پالیسی حال ہی بنائی گئی ہے۔

دہشت گردی کے ایک ماہر کا کہنا ہے کہ گولی پولیس نے چلائی تھی نہ کہ سپیشل فورس نے، اور یہ برطانوی پولیس میں ’ایک بہت بڑی تبدیلی‘ ہے۔

کنگ کالج لندن میں ڈیفنس سٹڈیز کے پروفیسر، پروفیسر مائیکل کلارک کا کہنا ہے کہ جنوبی لندن میں جن افسروں نے کارروائی کی ہے وہ لگتا نہیں کہ پولیس کے ہونگے۔

ان کا کہنا ہے کہ ’وہ سادہ کپڑوں میں رہنے والے سپیشل فورس کے ہو سکتے ہیں‘۔

انہوں نے مزید کہا کہ ’جس طرح اسے گولیاں ماری گئی ہیں اس سے اس کے بارے میں اور اس بارے میں کہ حکام، جو بھی وہ ہونگے، اس کے بارے میں کیا رائے رکھتے ہیں‘۔

انہوں نے کہا کہ ’اس طرح مارے جانے سے اس بات کا قوی اظہار ہوتا ہے کہ حکام میں سے کوئی اس شبہ پر یقین رکھتا تھا کہ اس کے پاس دھماکہ خیز مادہ ہے‘۔

کچھ علاقوں میں جمعہ کے واقعات کی خبروں کے بعد ویرانی سی چھا گئی

ان کا کہنا ہے کہ پولیس کو اس طرح کی کارروائیوں کی تربیت نہیں دی جاتی۔

ان کا کہنا ہے کہ’یہاں تک کہ سپیشل برانچ اور سکاٹ لینڈ یارڈ کے مسلح یونٹ، ایس او نائینٹین کو بھی۔ اس لیے قرین قیاس یہی ہے کہ کارروائی کرنے والے سپیشل فورس کے یا اس کے کسی حصے سے تعلق رکھتے تھے‘۔

مسٹر رام کا کہنا ہے کہ ’مشتبہ خود کش حملہ آور سے نمٹتے ہوئے یہ خطرہ ہوتا ہے کہ اس نے اگر اپنے جسم سے دھماکہ خیز مادہ باندھا ہو ہے تو وہ پھٹ سکتا ہے‘۔

’اس لیے ایسے حملہ آور سے نمٹنے کا ایک ہی طریقہ ہے کہ خود کو بچاتے ہوئے اس کے سر کا نشانہ لیا جائے‘۔

حکومت کے سابق انٹیلیجنس تجزیہ کار بھی یہ رائے رکھتے ہیں کہ ’زندگی کے لیے فوری خطرہ‘ محسوس ہونے والے سے نمٹنے کا کوئی اور طریقہ نہیں ہے۔

لیکن ایم سی بی کا کہنا ہے کہ اس پولیس اس بات کی وضاحت کرے کہ ’یہ کیوں کہا گیا کہ ہلاک ہونے والا بظاہر ایشیائی دکھائی دیتا تھا‘۔

کونسل کے ترجمان عنایت بنگلہ والا کا کہنا ہے کہ آج صبح ان کی جتنے لوگوں سے بھی بات ہوئی ’ گھبرائے ہوئے اور پریشان‘ لگتے تھے۔

انہوں نے بتایا کہ ابھی ابھی انہیں ایک فون کال آئی جس میں پوچھا گیا کہ کیا ہم رک سیک لے کر باہر جائیں یا نہیں۔

انہوں نے کہا سب لوگ ’شوٹ ٹو کِل‘ پالیسی کے بارے میں پریشان ہیں۔