امریکہ نے محمد البرادی کی مخالفت ختم کر دی ہے۔

بی بی سی کے نامہ نگار کے مطابق امریکہ نے محمد البرادی کے نام پر اتفاق مجبوری میں کیا ہے کیونکہ اس کو اپنے امیدوار کی کامیابی کے لیے مطلوبہ حمایت حاصل نہیں تھی۔

محمد البرادی انٹرنیشنل آٹامک انرجی کمشن کے نئے سربراہ کے واحد امیدوار رہ گئے اور ان کی تیسری ٹرم کے لیے انتخاب اب صرف ایک رسمی کارروائی رہ گئی ہے۔

امریکہ کو مصری نژاد محمد البرادی پر اعتراض تھا کہ وہ ایران کو جوہری پروگرام کو روکنے میں زیادہ سرگرمی کا مظاہرہ نہیں رہے تھا۔ امریکہ محمد البردی کی عراق پر حملے کی حمایت نہ کرنے سے بھی ناراض تھا۔

وزیر خارجہ کونڈو لیزا رائس کی محمد البرادی سے ملاقات کے بعد اعلان کیا کہ امریکہ محمد البرادی کی تیسری ٹرم کی مخالف نہیں ہے۔

امریکی حکام کا کہنا ہے کہ ان کو محمد البرادی کی ذات سے کوئی اختلاف نہیں ہے اور وہ اصولوں کی بنیاد ان کے تیسرے دفعہ آئی اے ای اے سربراہ بننے کے مخالف تھے۔

امریکی حکام کا کہنا ہے کہ امریکہ کے خیال میں کسی شخص کو دو دفعہ سے زیادہ آئی اے ای اے کا سربراہ نہیں بننا چاہیے۔