امریکہ ایران اور شمالی کوریا پر معاہدے کی خلاف ورزی کا الزام لگاتا ہے

نیو یارک میں جوہری ہتھیاروں کے عدم پھیلاؤ کے معاہدے این پی ٹی کی کانفرنس کا افتتاح کرتے ہوئے انہوں نے کہا کہ ’ہماری ایک دوسرے سے جڑی ہوئی دنیا میں ایک کو خطرہ سب کو خطرہ ہے اور ہم سب ایک دوسرے کی سلامتی کی ذمہ داری میں شریک ہیں۔ اگر یہ تمام خطروں کے لیے صحیح ہے تو یہ جوہرے خطرے کے لیے سب سے زیادہ صحیح ہے‘۔

انہوں نے کہا کہ ’ہم سب پر یہ ذمہ داری عائد ہوتی ہے ہم ایک ایسا کارگر، موثر، اور ماویانہ نظام مرتب کریں جو جوہری خطرے کو کم کرے‘۔

اقوامِ متحدہ کی کانفرنس ایٹمی عدم پھیلاؤ کے پینتیس سالہ پرانے معاہدے این پی ٹی کا جائزہ لے رہی ہے۔

دریں اثناء این پی ٹی کا پانچ سالہ جائزوں لینے والی اس کانفرنس میں امریکہ کے نمائندے نے خبردار کیا ہے کہ معاہدے کو سنگین ترین چیلنج کا سامنا ہے۔

امریکہ کے نائب وزیرِ خارجہ سٹیفن رادیمیکر نے کانفرنس کے پہلے روز کہا کہ شمالی کوریا اور ایران جوہری اسلحہ کی جستجو کر رہے ہیں اور معاہدے کے لیے خطرہ پیش کر رہے ہیں۔ ایران ان الزامات کی تردید کرتا ہے۔