محمد البرادی نے کہا ہے کہ ایٹمی دہشت گردی کا خطرہ حقیقی ہے۔

آسٹریلیا کے شہر سڈنی میں ایشیا بحرالکاہل کے وزارتی اجلاس سے خطاب کرتے ہوئے انہوں نے کہا آئی اے ای اے ماضی میں کبھی یہ سوچا بھی نہیں تھا کہ دہشت گردوں کی پہنچ ایٹمی ہتھیاروں تک بھی ہو سکتی ہے۔

محمد البرادی نے کہا ہے کہا ایٹمی ہتھیار دہشت گردوں کے ہاتھ لگنے کا خطرہ حقیقی ہے اور ساری دنیا کو مل کر اس سے نمٹنا ہوگا۔

محمد البرادی نے کہا کہ گیارہ ستمبر کے واقعے کے بعد اور بلیک مارکیٹ میں جوہری ہتھیار کوبنانے کی آلات کی موجودگی سے اس امکان کو رد نہیں کیا جا سکتا کہ جوہری ہتھیار دہشت گردوں کے ہاتھ لگ جائیں۔

محمد البرادی نے کہا کہ ایران اور لیبیا کے جوہری پروگرام کی تحقیق کے دوران پتہ چلا ہے کہ ایٹمی بلیک مارکیٹ میں ایٹمی اور تابکاری سامان بڑی تعداد میں مہیا ہے۔

انہوں نے کہا 1993 سے لے کر اب تک ایٹمی اور تابکاری میٹریل کو سمگلنگ کرنے کے 630 واقعات ہو چکے ہیں۔