فلسطینی انتخابات کے تیسرے مرحلے میں ووٹروں کا ٹرن آؤٹ بیاسی فیصد رہا۔

فلسطینی الیکشن کمیش نے کہا ہے کہ بلدیاتی انتخابات کی چوراسی سیٹوں پرالفتح کے امیدوار جیت چکے ہیں۔ حماس نے چوراسی میں سے اٹھائیس سیٹوں پر کامیابی حاصل کی ہے۔

چھوٹے گروپوں نے چار کونسل سیٹیں جیتی ہیں۔ دو سیٹوں کے نتائج ابھی آنے باقی ہیں۔

حماس نے انتخابات کے پہلے مرحلے میں الفتح کو شکست دی تھی اور اس کا کہنا ہے کہ بلدیاتی انتخابات میں شکست تسلیم کرنا قبل از وقت ہے۔حتمی نتائج اتوار کو متوقع ہیں۔

انتخابات کے اس تیسرے مرحلے میں ووٹروں کا ٹرن آؤٹ زیادہ تھا اور ایک اندازے کے مطابق بیاسی فیصد لوگوں نے حق رائے دہی کا استعمال کیا۔

انتخابات میں دو ہزار پانچ سو انیس امیدواروں نے حصہ لیا جن میں تین سو نناوے عورتیں بھی تھیں۔

انتخابات کا عمل مجموعی طور پر پرامن رہا۔ رملہ کے علاقے میں کچھ نقاب پوشوں نے پولنگ سٹیشن پر دھاوا بول دیا اور تین بلیٹ باکس قبضے میں لے کر ان کو جلا دیا۔

عالمی مبصرین کا فلسطینی انتخابی عمل کے بارے میں فیصلہ جلد متوقع ہے۔