دجلہ سے اب تک انچاس کے قریب لاشیں نکالی جا چکی ہیں

اس سے قبل عراقی دارالحکومت بغداد کے شمال میں واقع حدیثہ کے فٹبال سٹیڈیم سے 19 عراقیوں کی لاشیں ملی ہیں۔

ان لا شوں میں اکثر کو ہلاکت سے قبل شدید تشدد کا نشانہ بنیا گیا تھا۔

عراقی صدر جلال طالبانی کا کہنا ہے کہ انہیں ہلاک ہونے والوں کا بھی پتہ اور ان کا بھی جنہوں نے انہیں ہلاک کیا ہے۔

دریائے دجلہ سے جو لاشیں برآمد کی گئی ہیں ان میں مردوں، عورتوں اور بچوں کی لاشیں بھی شامل ہیں۔ ان میں سے اکثر کو گردن کا ٹ کر اور ذبح کر کے ہلاک کیا گیا تھا۔

دجلہ سے لاشیں اسواریہ کے مقام پر برآمد کی گئی ہیں جو مدائن نامی اس شہر کا نشیبی مقام ہے جہاں شدت پسندوں نے بتایا گیا تھا کہ کئی شیعوں کو یرغمال بنا لیا ہے اور ان سے کہا ہے کہ وہ مدائن سے نکل جائیں اور اگر انہوں نے ایسا نہ کیا تو انہیں ہلاک کر دیا جائے گا۔

لیکن اس دھمکی کے بعد جب عراقی اور امریکی فوجی دستوں نے مدائن کا محاصرہ کر کے گھر گھر تلاشی لی تو انہیں کسی مزاحمت کا سامنا کرنا پڑا۔

حدیثہ کے فٹبال سٹیڈیم میں جن لوگوں کو ہلاک کیا گیا ہے انہوں نے بظاہر عام شہریوں کا سا لباس پہنا ہوا تھالیکن کہا جاتا ہے کہ وہ دراصل عراق کے نیشنل گارڈ سے تھا۔

عراقی وزارتِ داخلہ کا کہنا ہے کہ ان گارڈز کو اغوا کیا گیاتھا اور پھر سٹیڈیم لے جا کر دیوار سے لگا کر کھڑا گیا اور گولیوں کو نشانہ بنا دیا گیا۔

اس دوران بغداد ہونے والے ایک حملے میں دو شہری ہلاک ہو گئے اس حملے میں امریکی گشتی گاڑی کو نشانہ بنانے کی کوشش کی گئی تھی۔