مدائن میں یرغمال بنائے جانے والوں میں خواتین اور بچے بھی شامل ہیں

اس شہر میں مزاحمت کاروں نے درجنوں شیعوں کو یرغمال بنالیا ہے اور انہیں ہلاک کرنے کی دھمکی دی ہے۔

گزشتہ روز مزاحمت کاروں نے کئی مقامات پر حملے کیے اور سکیورٹی اہلکاروں کو نشانہ بنایا جس میں بتایا جاتا ہے کہ نو افراد ہلاک ہوئے۔

بغداد سے بی بی سی کی نامہ نگار کا کہنا ہےکہ دوپہر کے وقت ایک خود کش بمبار ایک ریستوران میں داخل ہوا اور خود کو بم سے اڑا دیا۔ اس وقت ریستوران میں کئی پولیس والے کھانا کھا رہے تھے جو اس حملے کا نشانہ بنے۔

نامہ نگار کا کہنا ہے کہ گزشتہ چند دنوں کے دوران ان حملوں میں تیزی آ گئی ہے جب کہ جنوری میں انتخابات کے بعد ان میں قدرے کمی آ گئی تھی۔

بتایا گیا ہے کہ شیعوں کو اغوا کرنے والے مطالبہ کر رہے ہیں کہ شیعہ مدائن شہر سے چلے جائیں۔ عراقی وزارتِ داخلہ نے اس بات کا اعتراف کیا ہے کہ مدائن اس کے کنٹرول سے باہر ہے۔

بتایا ہے کہ ہلاک ہونے والے نو افراد میں پانچ پولیس والے تھے۔