 |  اردنی سفارتخانے پر مظاہرے کا دوران مظاہریں سفارتخانے کی عمارت پر بھی چڑھ گئے |
عراق اور اردن کے سفارتی تعلقات انتہائی کشیدہ ہو گئے ہیں اور انہوں نے اپنے اپنے سفیروں کو واپس بلا لیا ہے۔ ان اختلافات کی وجہ عراقی حکومت کا یہ موقف ہے کہ اردن عراق میں ہونے والی مسلح مزاحمت کاری میں خاصی حد تک ملوث ہے۔ عراق کے وزیرخارجہ ہوشیار زیباری کا کہنا ہے کہ ان کے ملک نے اپنا سفیر ناراضگی کے اظہار کے لیے واپس بلایا ہے۔ اردن نے اپنے سفیر کو اس سے پہلے ہی واپس بلا لیا تھا اور اس کی وجہ یہ بتائی تھی کہ اس کا سفارت خانہ عراق میں مخفوظ نہیں ہے۔ اردن نے یہ فیصلہ عراق میں اپنے سفارتخانے کے بارہ ہونے والے ایک مظاہرے کے بعد کیا تھا۔ اس مظاہرے کے دوران اردن کے پرچم نذرِ آتش کیے گئے تھے۔ شیعہ مظاہرین کا کہنا تھا کہ اردن موصل میں مسجد پر ہونے والے حملے میں ملوث تھا۔ جب کے دوسرے ذرائع کے مطابق شیعہ گروپ اس بات پر ناراض ہیں کہ جب 28 فروری کو جنوبی بغداد کے ایک سو پچیس افراد ہلاک ہوئے تھے تو ایک اردنی خاندان منصور البنّا اس حود کش حملے کا جشن منایا تھا۔
|  مظاہرین نے اردنی پرچم بھی نذرِ آتش کیا |
اس حملے میں جو پولیس والے اور فوجی رنگروٹ ہلاک ہوئے تھے وہ تمام کے تمام شیعہ تھے۔ تاہم منصور البنّا خاندان نے مذکورہ خود کش حملے میں ملوث ہونے کی تردید کی ہے اور کہا ہے کہ وہ کہیں بھی کسی خود کش حملے میں ملوث نہیں ہے۔ اس دوران ایک عراق وزیر کے اغوا ہونے کی خبر غلط ثابت ہوئی ہے۔ | 
یہ صفحہ دوست کو ای میل کیجیئے
پرِنٹ کریں
