 |  پولیس کا کہنا ہے کہ اس حملے میں کم از کم تین افراد ہلاک ہوئے ہیں۔ |
اسرائیلی پولیس کا کہنا ہے کہ تل ابیب میں ہونے والے ایک خود کش حملے میں کم ام کم چار اسرائیلی ہلاک اور متعدد زخمی ہوئے ہیں۔ فلسطینی اتھارٹی کے صدر محمود عباس نے اس خود کش حملے کو امن کوششوں کے خلاف تخریب کاری قرار دیا ہے اور کہا ہے کہ وہ اس کے خلاف چپ نہیں رہیں گے۔ انہوں نے کہا اس حملے کی تیاریوں کا سراغ لگایا جائے گا اور جو لوگ اس میں ملوث ہوں گے ان کو سزا دی جائے گا۔ خود کش حملے کے بارے میں پولیس کا کہنا ہے کہ اب تک کم از کم چار افراد کے ہلاک ہو چکے ہیں۔ اس سے پہلے یہ تعداد تین بتائی گئی تھی۔ پولیس کے مطابق ایک درجن سے زائد افراد زخمی ہوئے ہیں۔ فلسطینی اتھارٹی نے تل ابیب کے ایک نائٹ کلب کے قریب ہونے والے اس حملے کی مذمت کی ہے۔ بتایا گیا ہے کہ یہ شبانہ کلب ساحلی علاقے کے اس حصے میں واقع تھا جو بالعموم پُرہجوم رہتا ہے۔ اس حملے کی ذمہ داری کے بارے میں کئی گروہوں کی جانب سے متضاد اطلاعات ہیں۔ حملے کی ذمہ داری قبول کرنے والے گروپوں میں وہ دو گروپ بھی شامل ہیں جو اسرائیل سے تین ہفتے قبل ہونے والی غیر سرکاری فائر بندی منیں بھی شامل تھے۔ اسرائلی پولیں کے سربراہ ڈیڈ ساؤر کا کہنا ہے کہ یہ خود کش حملہ ’دی سٹیج‘ نامی کلب کے داخلی دروازے پر ہوا۔ اسرائیلی فوجی ریڈیو کو ایک نے نام عینی شاہد نے بتایا ہے کہ وہ کلب کے قریب سے گزر رہا تھا کہ ایک زور دار دھماکہ ہوا۔ بتایا گیا ہے کہ دھماکہ اتنا شدید تھا کہ کہ کلب کا بڑا حصہ ملبے کا ڈھیر بن گیا اور کلب کے شامنے کھڑی کوئی کاروں کو بھی شدید نقصان پہنچا۔ | 
یہ صفحہ دوست کو ای میل کیجیئے
پرِنٹ کریں
