عبادالحق بی بی سی اردو ڈاٹ کام، لاہور

	لائن آف کنٹرول کے قریبی انڈیا کے اگلے مورچے

ایک درجن سے زائد سول سوسائٹی کی تنظیموں کی طرف سے یہ مطالبہ انسانی حقوق کمیشن کی سربراہ عاصمہ جہانگیر اور ایچ آر سی پی کے ڈائریکٹر اور ممتاز دانشور آئی اے رحمان نے پریس کانفرنس میں کیا۔اس موقع پر مختلف سول سوسائٹی کی تنظموں کے عہدیدار بھی موجود تھے۔

آئی اے رحمان نے نیوز کانفرنس میں کہا کہ جنگ پاکستان اور بھارت کے عوام کے مفاد میں نہیں بلکہ جنگ تباہی کا راستہ ہے۔ ان کا کہنا ہے کہ دو ملکوں کو چاہیے کہ امن قائم کریں اور اس کے لیے ضروری ہے کہ پاکستان اور ہندوستان ایک دوسرے کی سلامتی اور سرحدوں کا احترام کریں۔

انہوں نے مزید کہا کہ دو ملکوں کی حکومتوں کو چاہیے کہ وہ لوگوں کے بنیادی مسائل کوحل کرنے کی طرف توجہ دیں کیونکہ بقول ان کے جب عوام کے مسائل حل ہوتے ہیں تو اس سے ملک بھی مضبوط ہوتا ہے۔

دہشت گردی سب کا مسئلہ  دہشت گردی کسی ایک ملک کا مسئلہ نہیں ہے لہذا پاکستان اور بھارت دونوں کو مل کر دہشت گردی کا مقابلہ کرنا چاہیے۔یہ بات قابل افسوس ہے کہ دونوں ملکوں مل کر دہشت گردی کا مقابلہ کرنے کے بجائے ایک دوسرے سے دور ہوگئے اور جنگ کے دہانے پر آگئے ہیں آئی اے رحمان

انہوں نے میڈیا پر زور دیا کہ وہ اس صورت حال میں ذمہ داری کا مظاہرہ کرے اور اگر ہندوستان جنگی جنوں اور انتہا پسندی کو بڑھاوا دیتا ہے تو اس کے راستے پر نہ چلا جائے۔

آئی اے رحمان کا کہنا ہے کہ یہ بات درست ہے کہ دونوں ملکوں میں جو کشیدگی ہے اس میں کمی آئی ہے لیکن اس کمی پر مطمئن نہیں ہونا چاہیئے کیونکہ ابھی خطرات موجود ہیں ۔

انہوں نے صوبہ سرحد میں لوگوں کی جانوں کے ضیاع، سکولوں کی بندش اور بڑی تعداد میں لوگوں کی نقل مکانی پر افسوس اظہار کیا اور کہا کہ شہریوں کا تحفظ کرنا حکومت کا فرض ہے لیکن حکومت کی جنگجو تنظیموں کے چیلنج کا مقابلہ کرنے کے لیے کوئی حکمت عملی دکھائی نہیں دیتی۔

ان کا کہنا ہے کہ دہشت گردی کے خلاف جنگ میں کامیابی صرف فوج یا ہتھیاروں سے حاصل نہیں کی جا سکتی بلکہ اس کے لیے عوام کی تائید حاصل ہونی چاہیئے۔

عاصمہ جہانگیر نے کہا ہے کہ عام آدمی اپنے حالات سے بہت زیادہ تنگ ہے اس لیے وہ کشیدگی نہیں چاہتا ہے جبکہ کچھ ایسے لوگ بھی ہیں جن کا فائدہ جنگ کے ساتھ ہے کیونکہ ان کی اقتصادیات جنگ سے منسلک ہے۔

انہوں نے بتایا کہ پاک بھارت کشیدگی کو کم کرنے کے لیے پاکستانی سیاست دانوں سےملاقاتیں کی جا رہی ہیں اور وزیر اعظم یوسف رضا گیلانی سے ملاقات کے لیے بھی وقت مانگا ہے۔

انہوں نے یہ بھی بتایا کہ جنگ کے خلاف آگاہی پیدا کرنے کے لیےفیصلہ کیا گیا ہے کہ سول سوسائٹی کے ارکان ٹولیوں کی شکل میں شہروں میں جائیں گے۔