رفعت اللہ اورکزئی بی بی سی اردو ڈاٹ کام، پشاور

	چند روز پہلے بھی مسلح افراد رات کے تاریکی میں بلال ٹرمینل میں ٹرکوں پر حملہ کیا تھا

طالبان ترجمان مولوی عمر نے بی بی سی کو کسی نامعلوم مقام سے ٹیلی فون پر بتایا کہ عسکریت پسند یہ برداشت نہیں کرسکتے کہ نیٹو اور امریکی طیارے پاکستان کی سرحدوں کی خلاف ورزی کرکےقبائلی علاقوں میں بےگناہ لوگوں کو نشانہ بنائیں۔ انہوں نے کہا کہ اگرچہ ملک کے حکمران ان سرحدی خلاف ورزیوں پر بالکل خاموش تماشائی بنے ہوئے ہیں تاہم طالبان اس کی کسی بھی صورت میں اجازت نہیں دینگے کہ کوئی ان کے ملک کے اندر آ کر کاروائی کرے اور اسکی مٹی کی بے عزتی کرے۔

ترجمان نے کہا کہ قبائلی علاقوں میں اتحادی افواج کے حملے تسلسل کے ساتھ جاری ہیں اور اس میں کوئی کمی واقع نہیں ہوئی ہے۔ انہوں نے دھمکی دی کہ جب تک قبائلی علاقوں میں نیٹو اور امریکی کارروائیاں بند نہیں ہوتیں وہ اتحادی افواج کے لیے سامان لے جانے والوں پر حملے کرتے رہیں گے۔

حملے کرتے رہیں گے  جب تک قبائلی علاقوں میں نیٹو اور امریکی کارروائیاں بند نہیں ہوتیں وہ اتحادی افواج کے لیے سامان لے جانے والوں پر حملے کرتے رہیں گے ترحریکِ طالبان

واضح رہے کہ پشاور کے علاقے رنگ روڈ پر گزشتہ ایک ہفتہ کے دوران نیٹو افواج کے لیے رسد لے جانے والی گاڑیوں کے اڈوں پر مسلح افراد کی طرف سے پانچ حملے کیے جاچکے ہیں جس میں اب تک تین سو سے زائد گاڑیوں کو تباہ کیا گیا ہے جن پر اتحادی افواج کے فوجی ساز و سامان بھی لدا ہوا تھا۔