عبدالحئی کاکڑ بی بی سی اردو ڈاٹ کام پشاور

	کئی دنوں تک ایک سو پچاس کے قریب اہلکاروں کے محاصرے کے بعد طالبان نے لوئی سم کا علاقہ قبضہ کرکے صدر مقام خار کی طرف پیشقدمی کی تھی

دوسری طرف باجوڑ سے منگل کے روز بھی سینکڑوں مقامی افراد کے محفوظ مقامات کی طرف نقل مکانی کا سلسلہ جاری رہا۔

تحریک طالبان کے ترجمان مولوی عمر نے بی بی سی کو فون کرکے بتایا کہ انہوں نے صدر مقام خار کےمضافات، لوئی سم اور صادق آباد میں اپنے زیر قبضہ علاقوں کو خالی کردیا ہے۔

باجوڑ کے تقریباً تمام علاقوں سے شہریوں کا محفوظ مقامات کی جانب نقل مکانی کا سلسلہ جاری ہے۔ سینکڑوں بچے، خواتین اور معمر افراد ضلع دیر، مہمند اور پشاور کی طرف نقل مکانی کررہے ہیں۔صدر مقام خار کا بازار، تعلیمی ادارے اور سرکاری دفاتر مکمل طور پر بند ہیں۔

انہوں نے مزید بتایا کہ منگل کو گن شپ ہیلی کاپٹروں نے ان کے مشتبہ ٹھکانوں پر گزشتہ روز کے مقابلے میں زیادہ شدت کے ساتھ فائرنگ نہیں کی ہے۔

پاکستانی فوج کے ترجمان میجر مراد نے بی بی سی کو بتایا کہ منگل کے روز بھی توپخانوں اور گن شپ ہیلی کاپٹروں سے طالبان کے مشتبہ ٹھکانوں کو نشانہ بنایا گیا۔

انہوں نےگزشتہ چھ روز کےدوران ہونے والی کاروائیوں میں سکیورٹی فورسز کے تیرہ اہلکاروں جبکہ طالبان کے ایک سو پچاس ساتھیوں کو ہلاک کرنے کا دعوی کیا ہے۔تاہم طالبان اپنے ایک درجن سے زائد ساتھیوں کی ہلاکت کی تصدیق کررہے ہیں۔

دوسری طرف باجوڑ کے تقریباً تمام علاقوں سے شہریوں کا محفوظ مقامات کی جانب نقل مکانی کا سلسلہ جاری ہے۔ مقامی لوگوں کا کہنا ہے کہ سینکڑوں بچے، خواتین اور معمر افراد ضلع دیر، مہمند اور پشاور کی طرف نقل مکانی کررہے ہیں۔صدر مقام خار کا بازار، تعلیمی ادارے اور سرکاری دفاتر مکمل طور پر بند ہیں۔

باجوڑ میں چند روز قبل صدر مقام خار سے تقریباً بارہ کلومیٹر دور لوئی سم کے علاقے کی جانب سکیورٹی فورسز کی پیشقدمی کے بعد طالبان اور ان کے درمیان جھڑپیں شروع ہوئی تھیں۔ کئی دنوں تک ایک سو پچاس کے قریب اہلکاروں کے محاصرے کے بعد طالبان نے لوئی سم کا علاقہ قبضہ کرکے صدر مقام خار کی طرف پیشقدمی شروع کردی تھی۔