عبدالحئی کاکڑ بی بی سی اردوڈاٹ کام، پشاور

بونیر کے ضلعی رابطہ آفیسر اکبر خان نے بی بی سی سے بات چیت کرتے ہوئے کہا کہ جمعہ اور سنیچر کی درمیانی شب کو تین گاڑیوں میں سوار تقریباً پچیس مسلح افراد نے صدر مقام ڈگر سے تقریباً پینتیس کلومیٹر دور کنگر گلی پولیس چوکی میں گھس کر اہلکاروں پر حملہ کیا ہے۔ ان کے بقول حملے میں آٹھ پولیس اہلکار موقع پر ہی ہلاک ہوگئے ہیں۔

حملہ کیسے ہوا؟ مقامی لوگوں کا کہنا ہے کہ حملہ آور طالبان کے بھیس میں تھے جنہوں نے پہلے چوکی میں گھس کر اہلکاروں کو کچھ دیر کے لیے یر غمال بنایا مگر جب گاؤں والے پولیس کی مدد کو پہنچے تو مسلح افراد نے فائرنگ کر کے انہیں قتل کردیا مقامی لوگ

ضلع بونیر باقی علاقوں کی نسبت پر امن رہا ہے لیکن کچھ عرصے سے وہاں سے مقامی طالبان کے منظم ہونے کی اطلاعات پہنچ رہی ہیں۔ حالیہ واقعہ ضلع مردان کے کاٹلنگ اور ملاکنڈ ڈویژن کے سرحد پر ہوا ہے۔ ان دونوں علاقوں میں طالبان مبینہ طور پر سرگرم ہیں۔