علی سلمان بی بی سی اردو ڈاٹ کام، لاہور

	اس قرارداد سے صدر مشرف پر سیاسی دباؤ بڑھے گا

مسلم لیگ نون، پیپلز پارٹی کے علاوہ مسلم لیگ قاف کے چند اراکین نے بھی اس کی حمایت کی جس پر سپیکر پنجاب اسمبلی نے اسے منظور کیے جانے کا اعلان کر دیا۔

راجہ شوکت عزیز بھٹی نے قرار داد پیش کرتے ہوئے کہا کہ بہت سی قربانیوں کے بعد جہموریت یہاں تک پہنچی ہے اور جن اسمبلیوں کو عوام کے ووٹوں سے بنایا گیا اسے برطرف کرنے کا اختیار فردِ واحد کے پاس نہیں ہونا چاہیے۔

فردِ واحد  بہت سی قربانیوں کے بعد جہموریت یہاں تک پہنچی ہے اور جن اسمبلیوں کو عوام کے ووٹوں سے بنایا گیا اسے برطرف کرنے کا اختیار فردِ واحد کے پاس نہیں ہونا چاہیے راجہ شوکت عزیز

قرار داد کے محرک راجہ شوکت عزیز بھٹی اگرچہ مسلم لیگ قاف کے ٹکٹ پر کامیاب ہوئے ہیں لیکن ایک دوسرے رکن صوبائی اسمبلی نجف سیال کا کہنا ہے کہ وہ مسلم لیگ قاف کے فارورڈ بلاک میں ان کے ساتھی ہیں۔

شوکت عزیز بھٹی نے قرار داد پیش کرتے ہوئے توقع ظاہر کی کہ دیگر صوبائی اسمبلیاں بھی ایسی ہی قراردادیں منظور کریں گی تاکہ یہ اختیار عوام کے منتخب ادارے قومی اسمبلی کو منتقل کردیا جائے۔

’قرارداد متفقہ نہیں‘  یہ قرار داد ایک ایسے وقت میں پیش کی گئی جب مسلم لیگ قاف کے اراکین نماز کے لیے گئے ہوئے تھے۔انہوں نے کہا کہ اس قرار داد کو متفقہ نہیں کہا جاسکتا چوہدری ظہیر الدین

ادھر پنجاب اسمبلی میں قائد حزب اختلاف چودھری ظہیرالدین نے پنجاب اسمبلی کے باہر میڈیا سے گفتگو کرتے ہوئے کہا کہ یہ قرار داد ایک ایسے وقت میں پیش کی گئی جب مسلم لیگ قاف کے اراکین نماز کے لیے گئے ہوئے تھے۔انہوں نے کہا کہ اس قرار داد کو متفقہ نہیں کہا جاسکتا۔

قانونی ماہرین کا کہنا ہے کہ پنجاب اسمبلی کی اس قرارداد کی کوئی عملی آئینی یا قانونی حثیت تو نہیں ہے البتہ یہ صدر مشرف پر سیاسی دباؤ بڑھانے کا ایک حربہ ضرور ہے۔