ہارون رشید بی بی سی اردو ڈاٹ کام، اسلام آباد

	جامع مذاکرات میں کشمیر سمیت دیگر نکات زیر بحث آئیں گے

مبصرین یہ توقع کر رہے ہیں کہ ان مذاکرات سے فریقین کو ایک دوسرے کی سوچ و نظر معلوم کرنے میں مدد ملے گی۔ پاکستان کے وزیر خارجہ شاہ محمود قریشی اور سیکریٹری خارجہ سلمان بشیر دونوں اپنے عہدوں پر نئے ہیں اور ان مذاکرات میں پہلی مرتبہ شرکت کر رہے ہیں۔

سرکاری ذرائع کے مطابق اس پہلے اعلیٰ سطحی رابطے کے موقع پر دونوں ممالک کے مابین کئی معاہدوں پر دستخط بھی متوقع ہیں۔

بھارتی سیکرٹری خارجہ شیو شنکر مینن کی اسلام آباد آمد آج متوقع ہے جو کل خارجہ سیکریٹری سطح کے مذاکرات میں اپنے پاکستانی ہم منصب سلمان بشیر سے بات چیت کریں گے۔ وزراء خارجہ کے درمیان مذاکرات اس سے اگلے روز منعقد ہوں گے۔

پاکستانی وزارت خارجہ کے ترجمان محمد صادق کے مطابق مذاکرات کے ایجنڈے پر آٹھ نکات ہیں جن میں اعتماد سازی کے اقدامات، جموں و کشمیر، سیاچن، سر کریک، ولر بیراج، دہشت گردی اور منشیات، اقتصادی تعاون اور دوستانہ تبادلوں کا فروغ شامل ہیں۔

تازہ بات چیت میں ان موضوعات پر اب تک کی پیش رفت کا جائزہ لیا جائے گا اور رکاوٹوں کو دور کرنے پر غور ہوگا۔

ایجنڈا  پاکستانی وزارت خارجہ کے ترجمان محمد صادق کے مطابق مذاکرات کے ایجنڈے پر آٹھ نکات ہیں جن میں اعتماد سازی کے اقدامات، جموں و کشمیر، سیاچن، سر کریک، ولر بیراج، دہشت گردی اور منشیات، اقتصادی تعاون اور دوستانہ تبادلوں کا فروغ شامل ہیں۔

ان اور دیگر ملاقاتوں سے بھارتی حکام امید کر رہے ہیں کہ انہیں پاکستان میں سیاسی رجحانات اور فضا جانچنے میں مدد ملے گی۔ اس سے قبل تک دونوں حکومتوں کے درمیان اچھے یا برے بیانات کی حد تک ہی رابطے محدود تھے۔ ان ملاقاتوں سے بھارت کو معلوم ہوسکے گا کہ پیپلز پارٹی حکومت تعلقات کو کس سمت میں لیجانے کی خواہش مند ہے۔

بھارت یہ بھی جاننے کی کوشش کرے گا کہ اس وقت پاکستان میں اصل فیصلے کرنے والی طاقت کون ہے۔ اہم مسائل پر فیصلے کرنا نئی حکومت کے دائرہ اختیار میں آتا ہے، صدر کے یا پھر فوج اب بھی پس منظر میں متحرک ہے۔

متنازعہ وادی کشمیر میں گزشتہ دنوں درندازی اور جے پور میں بم دھماکوں کے واقعات کے تناظر میں یہ مذاکرات کافی اہم قرار دیئے جا رہے ہیں۔

ادھر پاکستانی وزیر خارجہ شاہ محمود قریشی نے بھی مذاکرات کے آغاز سے قبل اپنی تیاریاں جاری رکھی ہوئی ہیں۔ انہوں نے گزشتہ سنیچر کمشیر کی دونوں جانب قیادت سے مشاورت کی ہے۔ اس ملاقات میں حکومت کی کشمیر پالیسی سے بھی انہیں آگاہ کیا گیا۔

سمت کا تعین  ملاقاتوں سے بھارتی حکام امید کر رہے ہیں کہ انہیں پاکستان میں سیاسی رجحانات اور فضا جانچنے میں مدد ملے گی۔ اس سے قبل تک دونوں حکومتوں کے درمیان اچھے یا برے بیانات کی حد تک ہی رابطے محدود تھے۔ ان ملاقاتوں سے بھارت کو معلوم ہوسکے گا کہ پیپلز پارٹی حکومت تعلقات کو کس سمت میں لیجانے کی خواہش مند ہے۔

سفارتی ماہرین کے مطابق دونوں ممالک کے درمیان تعلقات کی بہتری اور متنازعہ مسائل کے حل کے لئے سیاسی حمایت تو موجود ہے لیکن اسے عملی جامع پہنانے میں تاخیر ہو رہی ہے۔ کئی تجزیہ نگار جامع مذاکرات کی سست روی کو بھی وجہ بتا کر ان مذاکرات سے کوئی زیادہ پرامید دکھائی نہیں دے رہے ہیں۔