 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
’آئی ایس آئی، آئی بی جواب دیں‘ | ||||||||||||||||||||||||||||||||||||||||
سندھ ہائی کورٹ نے امریکہ میں گیارہ ستمبر سنہ دو ہزار ایک کے حملوں میں ملوث ہونے کے الزام میں گرفتار خالد شیخ محمد کی امریکہ منتقلی کے خلاف درخواست سماعت کے لیے منظور کر لی ہے اور آئی ایس آئی اور آئی بی کے سربراہان کو نوٹس جاری کئے ہیں۔ خالد شیخ محمد کی بہن مسمات مریم نے یہ پٹشین دائر کی ہے جس میں انہوں نے خالد شیخ کی امریکہ منتقلی کو غیر آئینی اور غیر قانونی قرار دیا ہے۔ سندھ ہائی کورٹ کے چیف جسٹس افضل سومرو اور جسٹس پیرل شاہ پر مشتمل ڈویژن بینچ میں بدھ کو اس درخواست کی ابتدائی سماعت ہوئی اور شیخ خالد کے وکیل غلام قادر جتوئی نے دلائل دیئے۔ عدالت نے اس درخواست کو باقاعدہ سماعت کے لیے منظور کرلیا اور دو اپریل کے لیے محکمہ داخلہ اور خارجہ کے سیکرٹریوں، ڈائریکٹر جنرل آئی ایس آئی اور انٹلی جنس بیورو کو نوٹس جاری کئے۔ ایڈووکیٹ غلام قادر جتوئی نے بتایا کہ انہوں نے اس درخواست میں مؤقف اختیار کیا ہے کہ خالد شیخ محمد پاکستانی شہری ہیں اور انہیں کس قانون کے تحت پاکستان سے امریکہ منتقل کیا گیا ہے۔ ان کے مطابق امریکہ خالد شیخ پر گوانتاناموے میں مقدمہ چلانا چاہتا ہے۔خالد شیخ کو واپس اپنے ملک بلایا جائے اور اگر ان پر الزامات ہیں تو ملکی عدالت میں پیش کیا جائے۔ اگر پاکستان حکومت ایسا نہیں کرسکتی ہے تو اقوام متحدہ سے مدد حاصل کی جائے۔ ایڈووکیٹ غلام قادر جتوئی کے کہنا ہے کہ سعودی عرب، مصر، انڈونیشیا، فرانس اور یمن کے خفیہ اداروں نے اپنی رپورٹوں میں یہ کہا ہے کہ خالد شیخ محمد گیارہ ستمبر واقعے میں ملوث نہیں ہیں اور پاکستان کی آئی ایس آئی غلط بیانی کر رہی ہے۔ ان رپورٹوں کو بھی مد نظر رکھا جائے کہ باہر کی دنیا یہ کہہ رہی ہے کہ وہ مجرم نہیں ہیں ۔ واضح رہے کہ اس سے قبل بھی سندھ ہائی کورٹ میں خالد شیخ محمد کی گمشدگی کے بارے میں ایک پٹیشن دائر کی گئی تھی جو بعد میں واپس لے لی گئی۔ غلام قادر جتوئی ایڈووکٹ کا کہنا ہے کہ امریکی اخبارات میں اس بات کی تصدیق کی گئی تھی کہ خالد شیخ امریکی تحویل میں ہیں اس لیے یہ پٹیشن واپس لی گئی تھی۔ مسمات مریم کے مطابق دو ہزار تین کو ان کے بھائی خالد شیخ اور بیٹے علی بن عبدالعزیز جبکہ دو ہزار چار کو عبدالکریم عرف ابومعصب اور عبدالقادر کو گرفتار کیا گیا۔ واضح رہے کہ امریکی محکمۂ دفاع یعنی پینٹاگون کی جانب سے جاری کردہ ایک عدالتی دستاویز کے مطابق خالد شیخ محمد نے گیارہ ستمبر دو ہزار ایک کے حملوں کی منصوبہ بندی کا بھی اعتراف کیا تھا۔ ان کا کہنا تھا ’میں ابتداء سے انتہا تک 11/9 کے حملوں کا ذمہ دار ہوں۔‘ |  اسی بارے میں  ’رہائی کے بعد بھی آزادی نہیں ملی‘04 September, 2007 | پاکستان حراست کے خلاف فیصلہ محفوظ22 July, 2004 | پاکستان ’کور کمانڈر پر حملہ جنداللہ نے کیا تھا‘ 13 June, 2004 | پاکستان نیوزویک رپورٹ پر شدید ردِ عمل09 May, 2005 | پاکستان گوانتانامو: فہرست میں تیرہ پاکستانی20 April, 2006 | پاکستان ’کیمپ ایکسرے میں ذہنی تشدد‘ 26 April, 2005 | پاکستان گوانتانامو سے مزید پاکستانی رہا23 November, 2003 | پاکستان امریکہ اور پاکستان پر پہلا مقدمہ04 November, 2003 | پاکستان | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
