گوانتامو بے کے قیدیوں کی عدالت تک رسائی نہیں ہے

تیرہ پاکستانی شہریوں کے بارے میں پاکستانی وزیر خارجہ آفتاب احمد شیرپاؤ نے کہا ہے کہ فوری طور پر ان افراد کے بارے میں بتانا مشکل ہے کہ ان کا تعلق پاکستان کے کن علاقوں سے ہے۔

انہوں نے بتایا کہ بیشتر پاکستانی شہریوں کو تفتیش کے بعد گزشتہ چند برسوں کے دوران گوانتانامو کی امریکی جیل سے رہا کردیا گیا ہے۔

وزیر داخلہ نے کہا کہ پاکستانی شہریوں کو گیارہ ستمبر کے بعد افغانستان میں لڑائی کے دوران گرفتار کرکے گوانتامو بھیجا گیا تھا۔

آفتاب احمد شیرپاؤ کا کہنا تھا کہ انہوں نے امریکہ کے اپنے حالیہ دورے پر امریکی محکمۂ انصاف کے حکام کے ساتھ یہ معاملہ اٹھایا تھا کہ ان افراد کی پوچھ گچھ کے بعد اب رہائی ہوجانی چاہیئے۔ انہوں نے کہا کہ یہ معاملہ اسلام آباد میں امریکی سفیر کے ساتھ بھی زیربحث آیا ہے۔

وزیرداخلہ نے کہا کہ انہیں امید ہے کہ ان تیرہ افراد کو بھی جلد ہی واپس پاکستان بھیج دیا جائے گا۔ ان کا کہنا تھا کہ امریکی حکومت سے ان افراد کی پاکستانی سفارت خانے تک رسائی کی بات کی گئی ہے۔

پینٹاگون کی فہرست میں شامل تیرہ پاکستانی قیدیوں کے نام حسب ذیل ہیں:

عبدالستار
ضیاء الشاہ
محمد اعجاز خان
فضل داد
عابد رضا
خلیل الرحمان حافظ
محمد رفیق
شید عبدالرحمان
حافظ قاری محمد سعد اقبال مدنی
عبدالحلیم صدیقی
سیف اللہ پراچہ
عبدالرحیم غلام ربانی
محمد احمد غلام ربانی