ارمان صابر بی بی سی اردو ڈاٹ کام، کراچی

	دو روز قبل کراچی میں وکلاء کے احتجاج کے دوران ایک پلے کارڈ

’صدر مشرف کا مواخذہ کیا جائے‘

بلوچستان میں بلیک فلیگ ڈے کے حوالے سے احتجاج

ہفتۂ سیاہ پرچم احتجاج

کراچی بار کے صدر محمودالحسن نے بی بی سی کو بتایا کہ ہفتۂ سیاہ پرچم کے حوالے سے وکلاء کے احتجاج جاری ہے اور اتوار کو شہر کے مختلف علاقوں سے کار ریلیاں نکالیں گے۔ انہوں نے بتایا کہ یہ ریلیاں سی ویو کلفٹن، سہراب گوٹھ، بنارس چوک اور ملیر کورٹس سے شروع ہوں گی ۔

اسی طرح سندھ ہائی کورٹ بار ایسوسی ایشن کے صدر رشید اے رضوی نے بتایا کہ سنیچر کو وکلاء نے قائداعظم یونیورسٹی میں ایک سیمنار منعقد کیا جہاں سیاہ پرچم بھی لہرایا گیا اور اتوار کو آل پارٹیز ڈیموکریٹک موومنٹ یعنی اے پی ڈی ایم کی جانب سے باچا خان چوک پر ہفتے کے مناسبت سے منعقد ہونے والے احتجاجی جلسے میں وکلاء بھی شرکت کریں گے اور سیاہ پرچم لہرایا جائے گا۔

پاکستان بھر کی وکلاء تنظیمیں تین نومبر کو ایمرجنسی کے نفاذ کے بعد پی سی او کے تحت حلف نہ لینے والے ججوں کی بحالی اور معزول چیف جسٹس افتخار محمد چودھری کے ساتھ اظہار یکجہتی کے لیے نو مارچ سے سولہ مارچ تک ’ ہفتۂ سیاہ پرچم‘ منا رہی ہیں۔