ساجد اقبال بی بی سی اردو ڈاٹ کام، اسلام آباد

	انتخابی نتائج پر بینظیر بھٹو کی ہلاکت کا اثر توقع سے کم

تاہم انتخابی نتائج میں بینظیر بھٹو کی ہلاکت کے بعد پیدا ہونے والی ہمدردی کا اثر اس حد تک نظر نہیں آتا جس کی توقع کی جا رہی تھی۔ صوبہ سندھ میں بھی مشرف کے حامی گھوٹکی، شکارپور، نوشہروفیروز، خیرپور، تھرپارکر اور ٹھٹھہ سے قومی اسمبلی کی نشستیں جیتنے میں کامیاب ہوئے ہیں جو ہمدردی کی ایک وسیع لہر کی موجودگی میں ممکن نہ ہوتا۔

پاکستان پیپلز پارٹی نے ایک طویل عرصے کے بعد صوبہ سرحد سے کم از کم دس نشستیں حاصل کیں۔ ان میں سے تین نشستیں پشاور ویلی سے جیتی گئی ہیں جبکہ پی پی پی کو تین ہی نشستیں دیر اور مالاکنڈ جیسے دور دراز کے اضلاع میں حاصل ہوئی ہیں۔ پی پی پی کے باقی چار امیدوار سوات، ڈیرہ اسماعیل خان، مردان اور کوہستان سے کامیاب ہوئے ہیں۔

پنجاب میں پی پی پی کو بڑی کامیابیاں جنوبی پنجاب سے حاصل ہوئی ہیں جہاں اس کے امیدواروں نے رحیم یار خان، بہاولنگر، مظفر گڑھ، راجن پور اور ملتان جیسے اضلاع میں قومی اسمبلی کی نشستیں جیتی ہیں۔

بلوچستان اور پیپلزپارٹی  پیپلز پارٹی نے بلوچستان میں ایم ایم اے کی غیرموجودگی کا پورا فائدہ اٹھایا ہے اور قومی اسمبلی کی چار نشستوں پر اس کے امیدوار کامیاب ہوئے ہیں۔ ان میں کوئٹہ سے سید ناصر علی شاہ اور الحاج محمد عمر، نصیر آباد سے تاج محمد جمالی اور قلات سے ڈاکٹر آیت اللہ درانی شامل ہیں

گوجرانوالہ اور حافظ آباد میں بھی پیپلز پارٹی کے ہاتھ صرف ایک سیٹ آئی جبکہ سیالکوٹ میں اس کی صرف ایک امیدوار اپنی نشست جیتنے میں کامیاب ہوئی ہیں۔ پی پی پی جھنگ سے بھی صرف ایک ہی نشست جیت سکی ہے جبکہ ٹوبہ ٹیک سنگھ سے اس کے تمام امیدوار ناکام رہے ہیں۔

دوسری طرف اوکاڑہ میں پاکستان پیپلز پارٹی کی کارکردگی خاصی متاثر کن رہی ہے جہاں اسے تین سیٹوں پر کامیابی حاصل ہوئی ہے۔ مبصرین کی توقع کے برعکس پاکستان پیپلز پارٹی فیصل آباد سے بھی پانچ نشستیں جیتنے میں کامیاب ہوئی ہے جبکہ ایک نشست پر اس کے منحرف امیدوار فاروق سعید خان آزاد حیثیت سے الیکشن جیتے ہیں۔

جنوبی پنجاب میں پیپلز پارٹی کا پلڑہ بھاری رہا ہے اور اس کے امیدواروں نے رحیم یار خان کی چھ میں سے چار نشستیں جیتی ہیں جبکہ بہاولنگر میں اسے چار میں سے تین نشستیں حاصل ہوئی ہیں۔ مظفر گڑھ میں پیپلز پارٹی نے کلین سویپ کیا ہے اور اس کے امیدوار ضلع کی پانچ کی پانچ نشستوں پر کامیاب ہوئے ہیں۔

راجن پور سے بھی اسے ایک بڑے طویل عرصے کے بعد قومی اسمبلی کی ایک نشست پر کامیابی حاصل ہوئی ہے۔ وہاڑی سے اس کے امیدوار محمود حیات عرف ٹوچی خان اور عظیم دولتانہ اپنی نشستوں پر کامیاب ہوئے ہیں۔ ساہیوال سے بھی پی پی پی نے چیچہ وطنی اور ہڑپہ کی نشستوں پر کامیابی حاصل کی ہے جبکہ ملتان میں اس کے ہاتھ چھ میں سے تین نشستیں آئی ہیں۔

صوبہ سرحد میں کارکردگی  پاکستان پیپلز پارٹی نے ایک طویل عرصے کے بعد صوبہ سرحد سے کم از کم دس نشستیں حاصل کیں۔ ان میں سے تین نشستیں پشاور ویلی سے جیتی گئی ہیں جبکہ پی پی پی کو تین ہی نشستیں دیر اور مالاکنڈ جیسے دور دراز کے اضلاع میں حاصل ہوئی ہیں

پیپلز پارٹی نے بلوچستان میں ایم ایم اے کی غیرموجودگی کا پورا فائدہ اٹھایا ہے اور قومی اسمبلی کی چار نشستوں پر اس کے امیدوار کامیاب ہوئے ہیں۔ ان میں کوئٹہ سے سید ناصر علی شاہ اور الحاج محمد عمر، نصیر آباد سے تاج محمد جمالی اور قلات سے ڈاکٹر آیت اللہ درانی شامل ہیں۔