بیورو رپورٹ بی بی سی اردو ڈاٹ کام، کراچی

	تین نومبر کے اقدامات کے خلاف سول سوسائٹی کے کارکن مسلسل احتجاج جاری رکھے ہوئے ہیں

انتخابات لڑنے پر رکنیت منسوخ

ان کا کہنا تھا کہ بارہ مئی، اٹھارہ اکتوبر اور دیگر واقعات کے بعد پاکستانی عوام اس وقت جس آتش فشاں کے دہانے پر کھڑے ہیں اس میں مزید بڑے واقعات رونما ہونا کوئی حیرت کی بات نہیں ہوگی تاکہ جو کاغذی الیکشن ہو رہے ہیں عوام کو اس سے بھی ہاتھ دھونا پڑ جائیں۔

جسٹس ریٹائرڈ وجیہ الدین احمد کا کہنا تھا کہ کراچی میں گزشتہ روز پیش آنے والے واقعات بارہ مئی کی یاد دلاتے ہیں جس کو پی سی او کے تحت حلف اٹھانے والے ججوں نے دو لفظوں میں یہ کہہ کر نماٹا دیا کہ تفتیش ان کا کام نہیں ہے مگر انہیں یہ بتانے والا بھی کوئی نہیں ہے کہ انکوائری اور تفتیش میں بڑا فرق ہوا کرتا ہے جج صحابان انکوائری کرتے ہیں انہیں تفتیش کرنے کی کوئی ضروت نہیں ہے۔

جسٹس افتخار محمد چودھری کا حکم  چیف جسٹس افتخار محمد چودھری نے پی سی او کے خلاف تین نومبر کو جو حکم جاری کیا تھا وہ کارگر ہے جسٹس وجیہ الدین

ان کا کہنا تھا کہ آنے والی پارلیمنٹ ایک انتظامی حکم کے ذریعے تین نومبر کو اٹھائے گئے اقدامات کو غیر مؤثر کرسکتی ہے۔ آنے والی اسمبلی کی پہلی ذمہ داری یہ ہوگی کہ جو کچھ بھی تین نومبر کے بعد ہوا ہے اس مسترد کرے جس کے بعد جج صاحبان خودبخود بحال ہوجائیں گے اور سپریم کورٹ میں جو جج بھرتی کیے گئے ہیں ان کی تعیناتی بھی ختم ہوجائیگی۔

پرویز مشرف نے آرمی چیف کے طور پر جو اقدامات اٹھائے تھے اگر موجودہ آرمی چیف کو کہا جائے کے ان کو واپس لے لیں تو یہ ایک بہت بڑا خطرناک اقدام ہوگا اور یہ اس بات کا اعتراف ہوگا کہ چیف آرمی اسٹاف اس قسم کے اقدام کرسکتا ہے اس کو نظر انداز کرنا چاہیے۔

انہوں نے تجویز پیش کی کہ یوم افتخار ہر سال منانا چاہیے یہ نو مارچ، بیس جولائی یا تین نومبر کو منایا جاسکتا ہے۔

سندھ ہائی کورٹ بار کے صدر رشید رضوی نے اپنے خطاب میں کہا کہ کراچی میں خوف کا عالم ہے اور سناٹا چھایا ہوا ہے یہ خود بخود نہیں ہوا بلکہ جان بوجھ کر کیا جارہا ہے تاکہ اٹھارہ فروری تک خوف کی فضا رہے اور کنگز پارٹی کو موقع مل سکے کہ وہ بیلٹ باکس بھرلیں۔

موجودہ چیف اقدام واپس لیں تو؟  پرویز مشرف نے آرمی چیف کے طور پر جو اقدامات اٹھائے تھے اگر موجودہ آرمی چیف کو کہا جائے کے ان کو واپس لے لیں تو یہ ایک بہت بڑا خطرناک اقدام ہوگا جسٹس وجیہ الدین

جنرل باڈی کے بعد وکلاء نعرے لگاتے ہوئے پریس کلب کے لیے روانہ ہوئے مگر رینجرز اور پولیس اہلکاروں نے انہیں ایم اے جناح روڈ سے واپس کردیا۔

لاہور، پشاور اور کوئٹہ میں بھی وکلاء نے عدالتی کارروائی کا بائیکاٹ کیا۔ لاہور میں وکلاء نے ایوان عدل سے پنجاب اسمبلی تک جلوس نکالا اور اعلان کیا کہ جو وکلاء انتخابات میں حصہ لے رہے ہیں ان کی رکنیت معطل کی جائیگی۔

پشاور میں دو وکلاء عدالت میں پیش ہوئے ہیں، جس پر وکلاء تنظیموں نے سخت احتجاج کیا ہے اور لائحہ عمل طے کرنے کے لیے بار کے تمام ضلعی صدور کا اجلاس طلب کرلیا ہے، تین نومبر سے سرحد میں تمام وکلاء نے عدالتی کارروائی کا مکمل بائیکاٹ جاری رکھا ہوا ہے۔