ہارون رشید بی بی سی اردو ڈاٹ کام، اسلام آباد

	امریکہ نے پاکستان میں ووٹروں کی تربیت اور ووٹر لسٹوں کو کمپوٹرازڈ کرنے کے لیے اب تک چھبیس ملین ڈالر کی امداد دی ہے

یہ بات پاکستان میں امریکی سفیر این ڈبلیو پیٹرسن نے چیف الیکشن کمیشنر جسٹس (ر) قاضی فاروق سے ایک ملاقات میں کی ہے۔

امریکی سفیر نے مزید کہا کہ ان کا ملک توقع کرتا ہے کہ صدر جنرل پرویز مشرف فوجی سربراہ کا عہدہ چھوڑ کر سویلین جمہوری حکمرانی کی جانب پیش قدمی کا اپنا وعدہ پورا کریں گے۔

اس موقع پر بتایا گیا کہ امریکہ پاکستان میں ووٹروں کی تربیت، سیاسی جماعتوں کے استحکام، ووٹر لسٹوں کو کمپوٹرازڈ کرنے کے لیے اب تک چھبیس ملین ڈالر کی امداد دی ہے۔

معلوم ہوا ہے کہ جاپان سے خریدے گئے اسی ہزار بیلٹ باکسس کی کھیپ نو نومبر کو انتخابی کمیشن کے حوالے کر دی جائے گی۔